Қазақстанда дәрілік заттарды бақылау күшейтілді: жаңа таңбалау жүйесі жайлы сұхбат

ҚР ДСМ Медициналық және фармацевтикалық бақылау Комитетінің ШҚО бойынша Департаменті фармацевтикалық қызметті бақылау бөлімінің басшысы Рахимжанова Мақпал Жомартқанқызы дәрілік заттарды таңбалау мен қадағалау жөнінде Алтай-ТВ телеканалына сұхбат берді.

Бүгінде Қазақстанда 2024 жылғы 1 шілдеден кейін өндірілген барлық дәрілік заттар міндетті таңбалауға жатады.

Қадағалаудың жаңа тетігі фармакологиялық қадағалаудың тиімділігін арттыру, препараттардың сапасын бақылау, өндіріс кезеңінен бастап түпкілікті тұтынушыға дейінгі бүкіл жолды қамтиды. Заңсыз айналымға, оның ішінде жалған өнімге қарсы іс-қимыл мақсатында енгізіледі. Бұл тетік дәрілік заттарды ұтымды пайдалануға және сатып алуды жоспарлауға, сондай-ақ пациентке бағдарланған толыққанды және сенімді дәрілік қамтамасыз етуді қалыптастыруға жәрдемдеседі.

Таңбалау жүйесіне дәрілік заттардың айналымына қатысушылардың барлығы кіреді.
• Ø өндірушілер;
• Ø көтерме сауда компаниялар, дистрибьюторлар;
• Ø жекеменшік нысандар – дәріханалар;
• Ø медициналық ұйымдар;
• Ø пациенттер.

Бұл жобаның нәтижесі дәрілік заттардың, оның ішінде ТМККК және МӘМС шеңберінде заңсыз айналымының жолын кесу болады, бұл біздің азаматтарымыздың қауіпсіздігіне оң әсер ететіні сөзсіз. Өз кезегінде дәрі-дәрмектерді таңбалау бағаны бақылауды қамтамасыз етеді.

Бұл ретте тұтунушылар Naqty onim тегін мобильді қосымшасының көмегімен Data Matrix кодын сканерлеу арқылы дәрі-дәрмектің түпнұсқалығымен заңдылығын тексере алады. Тұтынушы өнім туралы негізгі ақпаратты көре алады: Өндіруші туралы мәліметтер, құрамы, жарамдылық мерзімі, шекті бөлшек сауда бағасы және басқа да маңызды ақпарат.

Қазір елімізде дәрі-дәрмектерді айналымын бақылауды күшейту бойынша жұмыс жүргізілуде. ҚР ДСМ-ң тапсырмасымен Департамент тарапынан медициналық ұйыдардың, дәріханалардың ДЗ уақытылы қабылдау мен айналымнан шығару бойынша күнделікті бақылау жүргізіліп отыр.