ЕНДІ БАҒАНЫ ТЕКСЕРІП, ДӘРІХАНАҒА «NAQTY ОNIM» ҚОСЫМШАСЫ АРҚЫЛЫ ШАҒЫМДАНА АЛАСЫЗ

Денсаулық сақтау министрлігі «Қазақтелекоммен» бірлесіп Naqty Onim қосымшасында цифрлық сервисті іске қосты, ол пациенттердің мүмкіндіктерін кеңейтеді және өтініштерді жылдам әрі тиімді етеді.

Енді әрбір азамат:
✔️ кез келген тіркелген дәрі-дәрмектің шекті бағасын тексере алады;
✔️ таңбалау бойынша препараттың түпнұсқалығына көз жеткізеді;
✔️ егер баға жоғары болса немесе бұзушылықтар болса, дәріханаға шағым түсіреді;
✔️ өндіруші және жеткізу тізбегі туралы сенімді ақпарат алады.
Бұл фармацевтикалық нарықтағы ашықтық пен адал бәсекелестікке жасалған маңызды қадам. Мақсат - әр пациенттің қорғалуын және әр дәріхананың ережелерге сәйкес жұмыс істеуін қамтамасыз ету болып табылады.