GPP туралы

GРP стандарты дәрілік заттарды бөлшек саудада сатуды жүзеге асыратын ұйымдарға қолданылады және пациенттерге фармацевтикалық көмекті қауіпсіз және тиімді көрсетуді қамтамасыз етуге бағытталған және дәрілік заттарды айналысқа шығаруды, сақтауды, дайындауды, босатуды қоса алғанда, дәріхана практикасының барлық аспектілерін қамтиды.

Қазақстан Республикасы Денсаулық сақтау министрінің м.а. «Тиісті фармацевтикалық практикаларды бекіту туралы» 2021 жылғы 4 ақпандағы № ҚР ДСМ-15 бұйрығының 5 Қосымшасының 1 тармағына сәйкес Тиісті дәріханалық практика стандарты (GPP) (бұдан әрі – GPP Стандарт) Қазақстан Республикасы халқына фармацевтика қызметкерлерінің көрсететін фармацевтикалық қызметінің тиісті сапасын қамтамасыз ету мақсатында әзірленген, Стандарттың талаптарын және Қазақстан Республикасының халқына фармацевтикалық қызмет көрсетудің сапасын басқару жүйесін ұйымдастыруды анықтайды. Осы GPP Стандарты халықты сапалы, қауіпсіз дәрілік заттар және медициналық бұйымдармен қамтамасыз етуге, оларға дәрілік заттар туралы нақты ақпарат беруге, салауатты өмір салтын насихаттауға және аурудың алдын алуға, рецептуралық дәрілік препараттарды ұтымды қолдануды қамтамасыз етуге, дәрілік препараттардың орын алған жағымсыз әсерлері туралы ақпаратты беруге және өзін өзі емдегенде көмек көрсетуге бағытталған.

Дәрілік заттарды бөлшек саудада өткізу кезінде дәрілік заттар мен медициналық бұйымдар айналысы саласындағы субъектілер "Халық денсаулығы және денсаулық сақтау жүйесі туралы" 2020 жылғы 7 шілдедегі Қазақстан Республикасы Кодексінің 233-бабының 3-тармағының 1 бөлігіне сәйкес (дәріханалар үшін 01.01.2026 жылынан бастап қолданысқа енгізіледі) тиісті дәріхана практикасының (GРP) талаптарын сақтауға міндетті.

2025 жылғы 1 қыркүйекке дейін тиісті дәріханалық практика (GPP) талаптарына сәйкестік сертификатына ие емес дәріханалық ұйымдарға, Қазақстан Республикасы Денсаулық сақтау министрінің 2021 жылғы 27 қаңтардағы № ҚР ДСМ-9 бұйрығымен бекітілген Тиісті фармацевтикалық практикалар бойынша фармацевтикалық инспекциялар жүргізу қағидаларына сәйкес, фармацевтикалық инспекцияны жүргізу үшін өтініш тапсыру қажет, және инспекциялар кестесіне енгізілуі тиіс.

Кәсіпкерлерді қолдау мақсатында Заңды тұлғалар бірлестігі «Қазақстан Республикасының Фармацевтикалық қызметін қолдау және дамыту қауымдастығы» атынан GPP стандартын енгізу шеңберінде сайтта орналастыру үшін шаблон ретінде пайдалану үшін мынадай құжаттар жобаларын ұсынды:

- Сапа бойынша нұсқаулық;

- 39 дана стандартты операциялық рәсімдер.

Бұл шаблондар ақпараттық сипатқа ие және әр объектіге жеке-жеке бейімделуі керек.

Құжаттар сілтеме бойынша орналастырылған: Документы (www.gov.kz)