Қолдану қауіпсіздігін арттыру үшін «парацетамол» әсер етуші заты бар дәрілік зат бойынша ЖАДЫНАМА

Парацетамолдың ұсынылатын дозасы

Ересектер үшін

Бір қабылдау дозасы (бір реттік доза) 1-2 таблеткадан (500-1000 мг).

Келесі дозаны қабылдамас бұрын кем дегенде 4 сағат күтіңіз!

Тәулігіне 24 сағат ішінде 1-2 таблеткадан (500-1000 мг) 4 реттен артық емес қабылдауға болады.

Балаларға арналған

Препараттың дозасы жасына және дене салмағына байланысты есептеледі.

Парацетамолдың бір реттік дозасы баланың дене салмағының әр килограмына 10-15 мг-ден құрайды.

Балаларға арналған парацетамол препаратын таңдаңыз!

Кішкентай балаларға (6 жасқа дейін) арналған шәрбат, суспензия, ішке қабылдау үшін ерітінді түрінде шығарылатын парацетамол препараттары бар, 6 жастан бастап балаларға – дозасы 200 мг  таблеткалар арналған.

Егер сіз балаңызға қанша парацетамол беру керектігін білмесеңіз, дәрігерден немесе фармацевттен сұраңыз немесе келесі кестені қолданыңыз:

Парацетамолдың дозалау кестесі

Парацетамолды шәрбаттар, суспензиялар және балаларға ішке қабылдау ерітінділер түрінде дұрыс және ұтымды дозалау үшін әрқашан қаптаманың ішіне салынған өлшеуіш қасықты немесе өлшеуіш шприцті пайдаланыңыз.

Ас, десерт немесе шай қасығын пайдаланбаңыз, себебі сіз парацетамолдың артық дозасын алуыңыз мүмкін!

Ұсынылған дозаны асырмаңыз!

Ұсынылған дозаны асыру артық дозалану болып табылады!

Парацетамолды свеча түрінде қалай дұрыс және қауіпсіз қолдануға болады

Парацетамолды свеча түрінде қолдану жиілігі парацетамолды шәрбат, суспензия және ішке қабылдау ерітінді түрінде қолдану жиілігінен ерекшеленеді.

Парацетамол свечалары балаларға 6 сағаттан кем емес аралықпен  тәулігіне 4 реттен артық емес енгізіледі!

Парацетамол свечалары келесі дозаларда болады - 80 мг, 150 мг және 300 мг. Баланың жасына байланысты парацетамол свечаларын баланың жасына сәйкес мөлшерде таңдау керек!

Тәулігіне 4-тен артық свеча қолдануға болмайды!

Парацетамолдың ең жоғары тәуліктік дозасы

Ересектерге арналған ең жоғары тәуліктік дозадан ешқашан артық қабылдауға болмайды - 4000 мг (500 мг-ден 8 таблетка). 

Балаларға арналған ең жоғары тәуліктік доза - дене салмағының әр кг-ге 60 мг.

Ешқашан бір уақытта 2 таблеткадан артық қабылдауға болмайды!

Балаға парацетамолдың екі дозасын бір уақытта ешқашан бермеңіз!

Парацетамолдың ең жоғары дозасын қолдану бауыр мен бүйрекке өте зиянды!

Қолдану ұзақтығы

Дәрігердің тағайындауынсыз және бақылауынсыз қолданудың ең жоғары ұзақтығы - 3 күн!

Егер симптомдар (температура төмендемейді, ауырсыну басылмайды), парацетамол қолданудың 3 күнінде сақталса дәрігермен кеңесу керек.

Парацетамолды қолдану ұзақтығын өз бетіңізше арттырмаңыз!

Медициналық бақылаусыз ұзақ уақыт қолдану сіздің денсаулығыңызға зиян тигізуі мүмкін!

Емдеу курсы туралы

3 күннен аспайтын емдеудің ең қысқа кезеңінде – әсерге жету үшін қажетті препараттың ең аз дозасын қолдану керек!

Қолдану жолдары мен тәсілдері

Таблеткалар, капсулалар мен суспензиялар тамақтанудан кем дегенде бір сағат бұрын немесе тамақтанғаннан кейін 1-2 сағаттан кейін көп сұйықтықпен ішуге арналған.

Суппозиторийлер ректальді қолданылады.

Балаларда қолдану ерекшеліктері

Балаларда дозаны баланың дене салмағына сәйкес сақтау керек.

Бір жасқа дейінгі балаларға дәрілік формалар суспензия және ректальді суппозиторийлері түрінде тағайындалуы мүмкін.

Алты жастан бастап таблеткаларды 200 мг дозада қолдануға болады.

Балаңызға беретін дозаның дұрыстығын әрдайым тексеріп отырыңыз, медициналық қолдану жөніндегі нұсқаулықты мұқият оқып шығыңыз (Қосымша парақ), парацетамолдың дозалау кестесін орындаңыз.

Егер сіз балаңызға қандай доза беру керектігін білмесеңіз, дәрігеріңізбен кеңесіңіз.

Ықтимал жағымсыз реакциялар

Барлық дәрілер сияқты, парацетамол да жағымсыз әсерлер тудыруы мүмкін, бірақ олар бәрінде бола бермейді.

Келесі жағдайлардың кез келгені орын алса, парацетамол қабылдауды тоқтатып, дереу дәрігерге қаралыңыз:

-         кейде ауыздың немесе беттің ісінуімен немесе ентігумен бірге тері бөртпесі және қышыну сияқты аллергиялық реакциялар ауыр болуы мүмкін

-         тері бөртпесі немесе қабыршақтану немесе ауыз қуысында ойық жаралар

-         тыныс алумен байланысты проблемалары. Егер сіз оларды ибупрофен немесе аспирин сияқты басқа ауырсынуды басатын дәрілермен бұрын бастан өткерген болсаңыз оның ықтималдығы одан жоғары

-         түсініксіз қанталаулар немесе қан кетулер (қан проблемасының белгілері болуы мүмкін)

-         өзін нашар сезіну, кенеттен салмақ жоғалту, тәбеттің төмендеуі, көз бен терінің сарғаюы (бауыр функциясының бұзылуының белгілері болуы мүмкін).

-         ауыр тері реакцияларының өте сирек жағдайлары туралы хабарланды.

Егер қандай да бір жағымсыз әсерлер пайда болса, дәрігермен кеңесіңіз!

Препараттың биожетімділігі туралы

Парацетамол асқазан-ішек жолынан тез және толықтай сіңеді.

Қан плазмасындағы ең жоғары концентрацияға 0,5-2 сағаттан кейін жетеді.

Құрамында парацетамол бар және басқа да дәрілік заттармен үйлесімділігі туралы

Парацетамолды құрамында басқа парацетамол бар препараттармен бір мезгілде қабылдауға болмайды. Бірге қабылдау парацетамолдың артық дозалануына әкелуі мүмкін!

Ол үшін препараттардың белсенді заттарының құрамына назар аудару керек. Парацетамолды ацетаминофен деп те атауға болады. Сондықтан, егер сіз препараттың құрамында ацетаминофенді көрсеңіз, онда препараттың құрамында парацетамол бар екенін білуіңіз керек. 

Парацетамолды басқа ыстық түсіретін және анальгетикалық препараттармен бірге ұзақ уақыт қолдану бүйректің тұрақты зақымдалуына және бүйрек жеткіліксіздігінің даму қаупіне әкелуі мүмкін (анальгетикалық нефропатия).

Ыстықты түсіретін және ауырсынуды басатын дәрілерге мыналар жатады:

- ибупрофен

- ацетилсалицил қышқылы

- диклофенак

- кетопрофен

- напроксен

- нимесулид

- мелоксикам және т. б.

Парацетамолмен бір мезгілде не қабылдағаныңыз немесе жақында қабылдағаныңыз туралы әрқашан емдеуші дәрігерге хабарлаңыз.