Құрметті Қызылордалықтар және қала қонақтары! НАЗАР АУДАРЫҢЫЗ!

НАЗАР АУДАРЫҢЫЗ!

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Қызылорда облысы бойынша департаменті ескертеді:

Мемлекеттік тіркеуден өтпеген және сапасы расталмаған дәрілік заттар мен медициналық бұйымдарды қолдану — денсаулыққа және өмірге айтарлықтай қауіп төндіреді.

Қазақстан Республикасының «Халық денсаулығы және денсаулық сақтау жүйесі туралы» Кодексінің 233-бабының 4-тармағына сәйкес, мемлекеттік тіркеуден өтпеген, сапасы расталмаған және денсаулық сақтау саласындағы заңнама талаптарына сай келмейтін дәрілік заттар мен медициналық бұйымдарды өткізуге тыйым салынады.

Сіздің қауіпсіздігіңіз үшін:

• Дәрілік заттар мен медициналық бұйымдарды тек фармацевтикалық қызметке лицензиясы бар дәріханалардан ғана сатып алыңыз;
• Ғаламтор арқылы, маркетплейс (онлайн-сауда) алаңдары арқылы (Kaspi.kz, Satu.kz, Аpteka.kz, Europharma, Pharma.com.kz, i-teka.kz және т.б.) сатып алсаңыз, сатушының лицензиясын тексеріңіз.

Сатушының лицензиясын Қазақстан Республикасындағы электрондық лицензиялау - elicense.kz порталынан көре аласыз.

Өз денсаулығыңызды және жақындарыңыздың денсаулығын қорғаңыз!

 

2024 жылдың 1 шілдесінен бастап Қазақстанда ДЗ-ды таңбалу жүйесі енгізілді, оның мақсаты – әрбір ДЗ-тың өндірушіден бастап дәріханаға дейінгі, әрі қарай тұтынушыға дейінгі жолын толық бақылау және ашық ету.

Әр дәрі қаптамасына арнайы Data Matrix-код қолданылады. Бұл кодты «Naqty Onim» мобильді қосымшасы арқылы сканерлеу арқылы Сіз:

✔ дәрінің өндірушісін көре аласыз;

✔ дәрінің Қазақстанда ресми тіркелгенін тексере аласыз;

✔ дәрінің қозғалысын біле аласыз;

✔ жарамдылық мерзімі мен сипаттама мәліметтерімен таныса аласыз.

Қалай қолдануға болады?

1. Қосымшаны ашыңыз.
2. Дәрі қаптамасындағы Data Matrix кодын (төртбұрышты QR-ға ұқсас) сканерлеңіз.
3. Экранда өнімнің:

• атауы     ;
• өндірушісі;
• жарамдылық мерзімі;
• тіркеу деректері туралы ақпарат шығады.

❗ Егер ақпарат шықпаса немесе “өнім табылмады” деп көрсетсе:

• Бұл дәрі жалған немесе ресми тіркелмеген болуы мүмкін.
• Мұндай жағдайда қосымша арқылы шағым жіберуге болады.

Денсаулығыңызды қорғаңыз. Дәріні тек дәріханалардан алыңыз!