ДЕПАРТАМЕНТ ҚЫЗМЕТКЕРЛЕРІ ӨТЕУСІЗ ҚАН ТАПСЫРУ АЙЫН ҚОЛДАДЫ

2026 жылғы 11 ақпанда Қостанай облысы медициналық және фармацевтикалық бақылау комитеті департаментінің қызметкерлері Қазақстан Республикасы Денсаулық сақтау министрлігі жариялаған бастаманы қолдай отырып, өтеусіз қан тапсыру жөніндегі акцияға қатысты.

2026 жылдың ақпан айы Денсаулық сақтау министрі Ақмарал Әлназарованың бастамасымен өтеусіз қан тапсыру айы болып жарияланды. Мекеме басшысы елордалық қан орталығында қан тапсырып, акцияны жеке өзі бастады.

Бастаманың негізгі мақсаты-донорлық мәдениетін дамыту және осы маңызды іске мүмкіндігінше көп азаматтарды, әсіресе жастарды тарту. Акция Денсаулық, өзара көмек және әлеуметтік жауапкершілік мәселелеріне саналы көзқарасты қалыптастыруға бағытталған.

Ақпан айында бүкіл ел бойынша тақырыптық іс-шаралар, қан орталықтарында ашық есік күндері, донорлармен кездесулер және ақпараттық науқандар өтеді.

Қан орталығының мамандары қатысушыларға донорлықтың денсаулыққа пайдасы туралы айтып берді. Олар қарсы көрсетілімдер болмаған кезде үнемі қан тапсыру қанның жаңаруына ықпал ететінін, ағзаның жұмысын ынталандыратынын және донорларға процедурадан бұрын міндетті медициналық тексерудің арқасында денсаулық жағдайын бақылауға мүмкіндік беретінін атап өтті.