МЕМЛЕКЕТТІК ҚЫЗМЕТТЕР КӨРСЕТУ САЛАСЫНДАҒЫ ҚЫЗМЕТШІЛЕРДІҢ БІЛІКТІЛІГІН АРТТЫРУ

Қазақстан Республикасы Президентінің жанындағы Қарағанды облысы бойынша мемлекеттік басқару академиясының филиалында «Ең алдымен – адамдар: мемлекеттік қызметтер сапасын арттырудың практикалық құралдары» тақырыбы бойынша мемлекеттік қызметшілердің біліктілігін арттырудың семинары өтті.
Оқытудың мақсаты адамдарға бағдарланған мемлекеттік қызметтер көрсету сапасы саласындағы практикалық дағдылар мен құзыреттерді дамыту болып табылады.
Семинарға қатысушылар мемлекеттік қызмет көрсету саласындағы заңнаманы сақтау үшін нормативтік құқықтық актілерді, мемлекеттік қызмет көрсетудің негізгі кезеңдерін талқылады, сондай-ақ мемлекеттік қызмет көрсету кезінде қызметшілердің мінез-құлқының клиентке бағдарланған үлгісін қалыптастыру үшін практикалық кейстерді талдады.
Семинарға мемлекеттік қызмет көрсететін жергілікті атқарушы және орталық мемлекеттік органдардың аумақтық бөлімшелерінің мемлекеттік қызметшілері қатысты.