Деструктивті діни ағымдардан сақ болыңыздар!

2025 жылы 18 маусымда Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Қарағанды облысы бойынша департаментімен Қарағанды облысының Дін істері басқармасымен бірлесіп Әдеп жөніндегі уәкілдің Үлгілік жұмыс жоспарының 2.4 және 2.8-тармақтарын орындауда діни экстремизмге және деструктивті діни ағымдарға қарсы іс-қимыл тақырыбында семинар-кеңес өткізілді.
Қазіргі әлемде діни экстремизм мен терроризм қоғам мен мемлекет қауіпсіздігіне төнетін аса маңызды қатерлердің бірі болып табылатыны атап өтілді. Іс — шара аясында Қарағанды облысының Дін істері басқармасының өкілдері, дінтанушы К.Метревели, сондай-ақ бұрын соғыс аймақтарында болған азамат Д. Ахмедова баяндама жасады. Сөз сөйлеу барысында азаматтарды деструктивті діни топтардың қызметіне тартудың нақты мысалдары келтірілді, сондай-ақ Қазақстан Республикасының осы саладағы заңнамасын бұзудың ықтимал құқықтық және әлеуметтік салдары қаралды.
Д. Ахмедова жеке тарихымен бөлісті - елден тыс жерде болу, бөтен идеологияға араласу және кейіннен Отанына оралу тәжірибесі. Оның айтуынша, өз елінде жаңа өмір бастау мүмкіндігі таза ауа мен үміттің тынысы сияқты.
Деструктивті діни ағымдар — бұл азаматтардың қорғалатын құқықтары мен бостандықтарына қауіп төндіретін діни көзқарастардың, идеялар мен ілімдердің жиынтығы, қоғамдық тәртіпті бұзуға, қоғамның рухани, мәдени құндылықтары мен дәстүрлеріне нұқсан келтіруге қабілетті.
Мұндай ағымдар көбінесе деструктивті немесе жалған діни бірлестіктер түрінде ұйымдастырылады, оның негізгі мақсаты - ізбасарларының санасы мен еркіне толық бақылау орнату.
Мұндай семинарларды өткізу қоғамның деструктивті ықпалға тұрақты иммунитетін қалыптастыруда маңызды рөл атқарады және азаматтар арасында құқықтық және дінтану сауаттылығының деңгейін арттыруға ықпал етеді.