«МЕДИЦИНАЛЫҚ ҚЫЗМЕТКЕ ЛИЦЕНЗИЯ БЕРУ ЕРЕЖЕЛЕРІН БЕКІТУ ТУРАЛЫ» ҚР ДЕНСАУЛЫҚ САҚТАУ МИНИСТРЛІГІНІҢ ДСМ-59/2020 БҰЙРЫҒЫНА ЕНГІЗІЛГЕН ӨЗГЕРІСТЕР ТУРАЛЫ
Қазақстан Республикасы Денсаулық сақтау министрінің 2025 жылғы 15 қыркүйектегі №93 бұйрығымен «Медициналық қызметке лицензия беру» мемлекеттік қызметін көрсету тәртібін реттейтін Қазақстан Республикасы Денсаулық сақтау министрлігінің 2020 жылғы 1 маусымдағы № ҚР ДСМ 59/2020 бұйрығына өзгерістер мен толықтырулар енгізілді.
2025 жылы Қазақстан Республикасы Денсаулық сақтау министрлігінің медициналық қызметті жүзеге асыруға лицензия беру тәртібін реттейтін № ҚР ДСМ-59/2020 бұйрығына елеулі өзгерістер енгізілді. Бұл түзетулер денсаулық сақтау саласындағы мемлекеттік реттеудің сапасын арттыруға бағытталған ұзақ және күрделі ведомствоаралық жұмыстың нәтижесі болды.
Негізгі өзгеріс: рұқсат беру бақылауын күшейту
Түбегейлі жаңашылдықтардың бірі, медициналық қызметті лицензиялауға барлық өтінімдерді қабылдау кезеңінде рұқсат беру бақылауының енгізілуі болды.
Енді өтініштерді қарау кезінде уәкілетті орган міндетті:
- алдын ала рұқсат беру бақылауын, құжаттарды қабылдау және талдау кезеңінде-ақ жүзеге асыруға;
- өтініш берушінің лицензиялық талаптарға сәйкестігін, лицензия беру туралы шешім қабылданғанға дейін бағалау;
- лицензиялауға формальды көзқараспен қарауға жол бермеу және лицензия беру жағдайларын сәйкессіздіктер болған кезде болдырмау.
Бұл тәсіл нарық қатысушыларының жауапкершілігін арттыруға және медициналық қызметті тиісті жағдайларсыз, кадрлық қамтамасыз етусіз және материалдық-техникалық базасыз жүзеге асыруын барынша азайтуға бағытталған.
Өзгерістердің мақсаттары мен күтілетін нәтижелері.
Енгізілген өзгерістер бірнеше негізгі мақсаттарды көздейді:
пациенттердің құқықтарын қорғау мен қауіпсіздігін күшейту;
медициналық қызметтердің сапасын арттыру;
біркелкі және ашық құқық қолдану тәжірибесін қалыптастыру;
лицензияланатын медициналық қызмет саласындағы бұзушылықтар санын азайту.
Осылайша, №ҚР ДСМ-59/2020 бұйрығының жаңартылған редакциясы ерікті лицензиялаудан неғұрлым мазмұнды және жауапты бақылауға көшуді көрсетеді, мұнда берілген лицензиялардың саны емес, өтініш берушілердің заңнаманың белгіленген талаптарына сәйкестігі маңызды болып табылады.
Аталған өзгерістер 2025 жылдың 18 қарашадан бастап заңды күшіне енді. ҚР Денсаулық сақтау министрлігінің медициналық және фармацевтикалық бақылау комитеті қолданыстағы лицензиялау ережелерін қайта қарау бойынша ауқымды жұмыстарын ҚР Ұлттық экономика министрлігімен, ҚР Әділет министрлігінің және "Атамекен" ҰКП-мен бірлесіп жүргізді.
Өзгерістер мыналарды орындау үшін әзірленді:
- ҚР Заңының "Рұқсаттар және хабарламалары туралы";
ҚР Кәсіпкерлік кодексінің;
азаматтардың денсаулығын сақтау саласындағы ҚР заңнамасының.
Бұл ретте рұқсат беру бақылауының Ережесінің 14 тармағына сәйкес, көзделген тәртіппен медициналық қызметті жүзеге асыруға мәлімделген бақылау объектісіне Қазақстан Республикасы Заңының 51-бабының 2-тармағында "Рұқсаттар және хабарламалар туралы" шығумен жүзеге асырылады.
Қызметті алушы бақылау объектісіне бару уақыты мен күні туралы, ұялы байланыстың абоненттік нөміріне немесе өтініште көрсетілген электрондық мекенжайға мәтіндік хабарлама жіберу арқылы, не хабарламаны немесе шақыруды тіркеуді қамтамасыз ететін өзге де байланыс құралдарын пайдалана отырып, кемінде бір тәулік бұрын бару басталғанға дейін хабардар етіледі.