Алматы облысының «Тіл» оқу-әдістемелік орталығының ұйымдастыруымен Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Алматы облысы бойынша департаменті қызметкерлерінің қатысуымен «Қазақша сөйлейік» клубының кезекті отырысы өтті.

Аталған кездесу «Салт-дәстүр жараса, Наурыз келді жаңаша» тақырыбы аясында ұйымдастырылды. Іс-шара барысында қатысушылар қазақ халқының бай салт-дәстүрлері, олардың тәрбиелік мәні мен бүгінгі қоғамдағы орны туралы ой бөлісіп, Наурыз мейрамының тарихи және рухани маңызын кеңінен талқылады.

Кездесу еркін пікір алмасу форматында өтіп, қатысушылардың мемлекеттік тілде сөйлеу дағдыларын жетілдіруге және ұлттық құндылықтарға деген қызығушылығын арттыруға ықпал етті.