Әдеп жөніндегі уәкілдің 2025 жылға арналған үлгілік жұмыс жоспарының 2.4 және 2.8 тармақтарын орындау мақсатында түсіндіру жұмыстары жүргізілді. Іс-шараға «Ансар» ақпараттық талдау орталығының теолог маманы Саматов Сапар Саматұлы қатысып, мемлекеттік қызметшілерге өз діни нанымдарын басқаларға таңбауға, бағыныштыларды діни бірлестіктердің қызметіне қатысуға мәжбүрлемеуге қатысты талаптар бойынша кеңінен ақпарат берді. Сонымен бірге деструктивті діни ағымдардың ықпалынан сақтану, олардың қызметіне тартылудың алдын алу бағытында профилактикалық түсіндіру жұмыстары жүргізілді. Қатысушылар маманға өз сауалдарын қойып, нақты жауаптар алды. Мұндай шаралар мемлекеттік қызметшілердің этикалық нормаларды қатаң сақтауы мен қауіпсіз қызметтік ортаны қалыптастыруға ықпал етеді.