«Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі № 360-VI ҚРЗ Кодексінің 245-бабы 1-тармағының 1) тармақшасына сәйкес, бағаларды мемлекеттік реттеу уәкілетті орган айқындаған тәртіппен «бағалық реттеуге жататын дәрілік заттардың тізбесіне (бұдан әрі- ДЗ) енгізілген, Қазақстан Республикасында тіркелген және айналыстағы көтерме және бөлшек саудада өткізуге арналған дәрілік заттарға» жүзеге асырылады.

«Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі № 360-VI ҚРЗ Кодексінің 245-бабы 1-тармағының 1) тармақшасына сәйкес, бағаларды мемлекеттік реттеу уәкілетті орган айқындаған тәртіппен «бағалық реттеуге жататын дәрілік заттардың тізбесіне (бұдан әрі- ДЗ)   енгізілген, Қазақстан Республикасында тіркелген және айналыстағы көтерме және бөлшек саудада өткізуге арналған дәрілік заттарға» жүзеге асырылады. 

Көтерме және бөлшек саудада өткізу үшін бағалық реттеуге жататын дәрілік заттардың тізбесі 2025 жылғы 5 шілдеден бастап қолданысқа енгізілген Қазақстан Республикасы Денсаулық сақтау министрінің м.а. 2022 жылғы 1 желтоқсандағы № ҚР ДСМ-150 (жаңа редакцияда-ҚР Денсаулық сақтау министрінің 18.06.2025 жылғы № 394) бұйрығымен бекітілген.

  «Қазақстан Республикасы Денсаулық сақтау министрінің міндетін атқарушының 2021 жылғы 27 тамыздағы № ҚР ДСМ-94 «Дәрілік заттың саудалық атауына өндірушінің шекті бағаларын, бөлшек және көтерме саудада өткізу үшін дәрілік заттың саудалық атауына шекті бағаларды бекіту туралы» Қазақстан Республикасы Денсаулық сақтау министрінің міндетін атқарушының 2021 жылғы 27 тамыздағы №ҚР ДСМ-94 бұйрығына өзгеріс енгізу туралы» Қазақстан Республикасы Денсаулық сақтау министрінің 2025 жылғы 18 шілдедегі №470 бұйрығына (бұдан әрі - № 94 бұйрық)  қол қойылды, ресми түрде 2025 жылғы 28 шілдеде жарияланды (осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі).

Бұл ретте, Қазақстан Республикасы «Құқықтық актілер туралы» Заңының 43-бабына сәйкес:

1. 1. Нормативтiк құқықтық актiнiң күшi ол қолданысқа енгiзілгенге дейiн туындаған қатынастарға қолданылмайды.
2. Нормативтiк құқықтық актiнiң немесе оның бiр бөлiгiнiң керi күшi оның өзiнде немесе нормативтiк құқықтық актiнi қолданысқа енгiзу туралы актiде көзделген, сондай-ақ кейiнгiсi азаматтарға жүктелген міндеттерді алып тастайтын немесе олардың жағдайын жақсартатын жайттар осы баптың 1-тармағының қағидаларына кiрмейдi.
3. Азаматтарға жаңа міндеттерді жүктейтін немесе олардың жағдайын нашарлататын заңдардың кері күші болмайды.
4. Жауаптылықты белгілейтін немесе күшейтетін заңдардың кері күші болмайды. 

Жоғарыда баяндалғанның негізінде № 94 Бұйрықтың күші ол заңды күшіне енгенге дейін туындаған шарттық қатынастарға қолданылмайды.

Өз кезегінде, Бұйрық күшіне енгенге дейін сатып алынған және әкелінген № 94 бұйрықтың бағасынан асатын дәрілік заттарды өткізу фактілері анықталған жағдайда Комитет әкімшілік ықпал ету шараларын қолданбайды.

Анықтама:

Импортталатын дәрілік заттар үшін әкелу күні кедендік декларацияны алған күн болып есептеледі, отандық өндірушілер үшін-өндіріс күні 2025 жылғы 8 тамызға дейін.

Сонымен қатар, "Қазақстан Республикасындағы кедендік реттеу туралы" Кодекстің (бұдан әрі – Кеден кодексі) 3-бабы 1-тармағының 48) тармақшасына сәйкес, тауарларды Еуразиялық экономикалық одақтың кедендік аумағына әкелу – Еуразиялық экономикалық одақтың кедендік шекарасын кесіп өтуге байланысты және өздерінің нәтижесінде тауарлар кеден органдары осындай тауарларды шығарғанға дейін халықаралық пошта жөнелтілімдері арқылы жіберуді, құбыржол көлігін және электр беру желілерін пайдалануды қоса алғанда, Еуразиялық экономикалық одақтың кедендік аумағына кез келген тәсілмен келетін әрекеттерді жасау.

Бөлшек саудадағы дәріханаларға дистрибьюторлар және басқа да жеткізушілерден бекітілген бағалар бойынша (2025 жылдың 11 ақпанындағы редакциядағы № 94 бұйрықта көрсетілген) дәрілік заттарды сатып алуға және сатуға рұқсат етіледі.