Қайырымдылық – жылы жүректен

 

Облыс жастары Наурызнама онкүндігі аясында 15 наурыз – Қайырымдылық күніне орай «Қайырымдылық – жылы жүректен» атты акция өтті.

Акцияның басты мақсаты – қоғамда мейірімділік пен жанашырлық құндылықтарын дәріптеп, әлеуметтік қолдауды қажет ететін отбасыларға қолдау көрсету.

Іс-шара барысында облыс бойынша көпбалалы және әлеуметтік осал топтағы 30 отбасыға азық-түлік себеттері табысталып, оларға мерекелік көңіл-күй сыйланды.

Қайырымдылық – адам бойындағы ең асыл қасиеттердің бірі. Осындай игі бастамалар қоғамдағы бірлік пен жанашырлықты арттырып, адамдарды бір-біріне қолдау көрсетуге үндейді.