Бұқар-Жырау ауданында «Шымырлық пен шеберлік күні» атты жоғары сынып оқушылары арасында «Тоғызқұмалақ», «Садақ ату» және «Асық ату» ұлттық ойындарынан жарысы өткізіледі

20 наурыз сағат 11-00 де  Ботақара кенті Спорт кешенінде   «Шымырлық пен шеберлік күні» аясында жоғары сынып оқушылары арасында ұлттық спорт түрлерінен жарыстар өткізіледі. Іс-шара барысында оқушылар Тоғызқұмалақ, Садақ ату және Асық ату ұлттық ойындары бойынша өзара бақ сынайды.

Жарыстың мақсаты – ұлттық ойындарды дәріптеу, жастардың спортқа қызығушылығын арттыру және олардың шымырлығы мен шеберлігін дамыту. Жарыс қорытындысы бойынша жеңімпаздар мен жүлдегерлер марапатталатын болады.