Биылғы жылы да Ұлыстың ұлы күні – Әз Наурыз мерекесі «Наурызнама онкүндігінің» форматында аталып өтіледі

«Наурызнама» тұжырымдамасына сәйкес 14 наурыз күні Шұбарқұдық кентіндегі орталық алаңда Н.Байғанин атындағы аудандық мәдениет үйінің ұйымдастыруымен «Амал келді, жыл келді» мерекелік шарасы өткізіледі.

Наурыз мейрамы – елдік пен бірліктің, жарқын жасампаздықтың мерекесі. Мерекелік шара барысында аудан тұрғындарына қазақ халқының салт-дәстүрлері, әдет-ғұрыптары туралы мағлұмат беріліп, көрісу ұйымдастырылып, концерттік нөмірлер ұсынылады.