Жыл сайынғы еңбек демалысын беру және іссапар шығындарын өтеу

БҚО санитариялық-эпидемиологиялық бақылау департаментінде жыл сайынғы еңбек демалысын беру және іссапар шығындарын өтеу тақырыбында семинар өтті. Семинарға БҚО СЭБД басшысының орынбасары, әдеп жөніндегі уәкіл Н. А. Сариева, персоналды басқару қызметі, қаржы және бухгалтерлік есепті жоспарлау бөлімі және құқықтық қамтамасыз ету бөлімі қатысты. Семинардың мақсаты - «үлгілік ережені бекіту туралы» ҚР Үкіметінің 2006 жылғы 9 қарашадағы №1072 қаулысына сәйкес ҚР Мемлекеттік қызмет істері агенттігінің Әдеп жөніндегі комиссиясы отырысының 2024 жылғы 26 қаңтардағы №1 хаттамасының 2.3-тармағын орындау шеңберінде мемлекеттік қызметшілердің әлеуметтік кепілдіктерін қамтамасыз ету бөлігінде заңнаманы сақтау мәселелері бойынша түсіндіру жұмыстарын жүргізу ҚР Орталық және жергілікті атқарушы органының заң қызметі туралы». Семинарда құқықтық қамтамасыз ету бөлімінің бас маманы Б. Тәжібаева сөз сөйлеп, еңбек заңнамасына, «мемлекеттік қызмет туралы» ҚР Заңына сәйкес жыл сайынғы еңбек демалысы және бюджет қаражаты есебінен қызметтік іссапарларға, оның ішінде 2018 жылғы 11 мамырдағы Үкімет қаулысымен бекітілген Шет мемлекеттерге қызметтік іссапарларға арналған шығыстарды өтеу қағидаларына сәйкес қызметтік іссапарларға арналған шығыстарды өтеу тәртібі туралы айтты.