Сібір жарасының алдын алу

Сібір жарасы — адам мен жануарларға ортақ, аса қауіпті жұқпалы ауру. Оның қоздырғышы — Bacillus anthracis атты бацилла, ол ұзақ уақыт бойы қоршаған ортада сақталатын споралар түзеді.

Жұғу жолдары:

• Ауру малмен немесе оның өлігінен тікелей/жанама байланыс;

• Жұқтырылған етті дұрыс пісірмей жеу (алиментарлы жол);

• Споралы топырақты деммен жұту (аэрогенді жол).

Адамға жұғуы мүмкін:

• Ауру малды сою, етін бөлу кезінде;

• Жүн, тері сияқты мал өнімдерімен жұмыс істегенде;

• Зақымдалған етті тамаққа пайдаланғанда.

Клиникалық түрлері:

• Тері формасы — ең жиі кездеседі. Теріде карбункул пайда болып, қызу көтеріледі, әлсіздік байқалады.

• Өкпелік форма — ең ауыр түрі. Қатты қалтырау, ентігу, қан аралас жөтелмен көрінеді.

• Асқазан-ішек формасы — құсу, іш өту, іштің ауыруымен білінеді.

Алдын алу шаралары:

• Малдарды сібір жарасына қарсы уақтылы ектіру;

• Жануарларды ветеринардың бақылауынсыз соймау;

• Ауру немесе өлген мал туралы дереу ветеринарға хабарлау;

• Жеке қорғаныс шараларын сақтау;

• Жұқтырылған ет пен өнімдерді қолданбау.

Есіңізде болсын! Сібір жарасы — адам өміріне де қауіп төндіретін қауіпті дерт.