Зәр шығару жолдарының ауруханаішілік инфекциясы

Зәр шығару жолдарының ауруханаішілік инфекциясы (ЗШЖИ АІИ немесе ЗШЖИ) – пациентте немесе медицина қызметкерінде медициналық көмек алу немесе көрсету кезінде пайда болатын кез-келген клиникалық танылған ауру.

ЗШЖИ бұл – зәр шығару жолдарының кез-келген бөлігінің әртүрлі инфекциясын біріктіретін ұжымдық ұғым. Инфекцияның орналасуына байланысты қабыну уретраға (уретрит), қуыққа (цистит), несепағарға және бүйрекке (пиелонефрит) әсер етуі мүмкін.

Көбінесе инфекция қуықта дамиды, ол уретрадан өтеді, ал инфекция қуықтан бүйрекке таралуы мүмкін. Патогендердің рөлі әдетте бактериялар болып табылады, олардың дені сау, патологиясы жоқ организм көп жағдайда өздігінен жойылады. Инфекцияның ең көп таралған қоздырғышы - ішек таяқшасы (лат. Escherichia coli), ол әдетте адамның ішектерінде өмір сүреді және сол жерден уретраға енуі мүмкін.

Зәр шығару жолдарының инфекциясы жыныстық жолмен берілетін инфекциялардан басқа бір адамнан екінші адамға берілмейді. Алайда, бірқатар факторлар медициналық мекемелерде инфекция қаупін арттырады және оны емдеуді қиындатады. Мұндай факторларға мыналар жатады: инвазивті араласулар, ұзақ уақытқа тұрақты зәр шығару катетерін орнату, жедел араласулар, медициналық құралдар, медициналық қызметкерлердің қолдары және ілеспе аурулар. Сонымен қатар, әйелдерде инфекция қаупі жоғары, өйткені уретра еркектерге қарағанда әлдеқайда қысқа және анусқа жақын орналасқан.

Айқын күрделілікке қарамастан, ауруханаішілік инфекциялардың алдын алу көрсетілген ережелерді күнделікті сақтау, санитариялық-эпидемиологиялық режимді сақтау, дезинфекцияны уақтылы жүргізу, жәндіктермен, кеміргіштермен күрес жөніндегі іс-шаралар, медициналық бұйымдар мен жабдықтарды стерильдеу алдында өңдеу және стерильдеу жағдайында мүмкін болатын және жүзеге асырылатын міндет болып табылады.