Рамазан айында ауызашар беру кезінде тағамнан уланудың алдын алу бойынша халыққа арналған ұсынымдар

Ауызашар өткізу кезінде тағам қауіпсіздігін сақтау өте маңызды.

1. Жеке гигиенаны сақтау:

• тамақ дайындамас бұрын және тамақ қабылдағанда қолды сабынмен мұқият жуыңыз;
• таза ыдыс-аяқ пен ас құралдарын пайдаланыңыз;
• ЖРВИ, іш қату, теріде ірің ауру белгілері бар адамдарды тамақ дайындауға жібермеңіз.

2. Өнімдердің қауіпсіздігін қамтамасыз ету:

• өнімдерді тек ресми сауда нүктелерінен сатып алыңыз;
• тұтыну мерзімі мен сақтау жағдайларын тексеріңіз;
• қоректік өнімдерді тоңазытқышта +2 +6 °C температурада сақтаңыз;
• шикі және дайын өнімдерді бөлек сақтаңыз.

3. Дайындау ережелерін сақтау:

• ет, құс еті, балық, жұмыртқаны жеткілікті термиялық өңдеуден өткізіңіз;
• дайын тағамдарды бөлме температурасында 2 сағаттан артық қалдырмаңыз;
• үлкен көлемде тағам дайындағанда сақтау жағдайын бақылаңыз.

4. Сапалы суды пайдалану:

• қайнатылған немесе бөтелкедегі суды ішіңіз;
• сенімді емес көздерден алынған суды пайдаланбаңыз.

5. Көпшілік ауызашарларды ұйымдастыру (үйде немесе қоғамдық жерде):

• тоңазытқыш жабдықтарының жеткілікті болуын қамтамасыз етіңіз;
• дайындау және тарату орындарын таза ұстаңыз;
• өнімдердің бір-біріне жанасуын болдырмаңыз;
• қоғамдық тамақтану объектілерінде ауызашар өткізсеңіз, тек тексерілген сенімді объектілерді пайдаланыңыз.

Улану белгілері пайда болған жағдайда (құсу, диарея, іштің ауыруы, температураның көтерілуі) дереу медициналық көмекке жүгініңіз.

Жамбыл облысының санитариялық-эпидемиологиялық бақылау департаменті денсаулықты сақтап, ауызашарды қауіпсіз өткізу үшін осы қарапайым ұсыныстарды жауапкершілікпен сақтауды сұрайды.