Балалардың жазғы демалысы: жағажайларды күтіп-ұстауға және пайдалануға қойылатын санитариялық-эпидемиологиялық талаптар

     Жамбыл облысының санитариялық-эпидемиологиялық бақылау департаменті балалардың демалу орындарын таңдау кезінде шомылу орындарын абаттандыруға назар аударуды ұсынады.

     Жағажай жеке учаскеде сарқынды суларды ағызатын жерлерден, мал қоралары мен суаратын жерлерден алыс немесе көрсетілген ластану көздерінен жоғары орналастырылады. Су айдынының түбі құмды, балшықтан, балдырлардан, шөгінділерден, өткір тастардан тұрады. Балалардың шомылатын орындарындағы су қоймасының тереңдігі 0,7-ден 1,3 м-ге дейін.

     Жағажайдың аумағы күннен қорғайтын қалқалармен, жатақтармен және орындықтармен жабдықталады. Аумақта киім ауыстыруға арналған кабиналар, САҚ немесе биодәретханалар, таза ұсталатын қоқыс жинауға арналған урналар орнатылады.

     Шомылу маусымы басталар алдында объектінің әкімшілігі су қоймаларынан суды санитариялық-химиялық, микробиологиялық, вирусологиялық, санитариялық-паразитологиялық көрсеткіштерге және топырақты паразитологиялық көрсеткіштерге зерттеуді қамтамасыз етеді.

     Шомылуға арналған су бетінің шекарасы айқын көрінетін, ашық түсті жүзбелі сигналдармен белгіленеді.

     Адамдардың шомылуына арналған орындарда кір жууға және жануарларды шомылдыруға жол берілмейді. Объект аумағында орналасқан су айдындарының жағажайы мен жағалау аймағының қауіпсіздігін объектінің әкімшілігі бақылайды.

     Жамбыл облысының санитариялық-эпидемиологиялық бақылау қызметі ашық су айдындарына, оның ішінде балалар сауықтыру лагерьлерінің жанында орналасқан су айдындарына мониторинг пен бақылау жүргізеді.  Меркі өзенінен санитариялық-химиялық, микробиологиялық, вирусологиялық, санитариялық-паразитологиялық көрсеткіштерге 4 су сынамасы және 2 топырақ сынамасы алынды, зертханалық зерттеулер нәтижелері бойынша сынамалар гигиеналық нормативтерге сәйкес келеді. (Зертханалық зерттеулердің хаттамасы «Салалық құжаттар. Мониторинг» бөлімінде орналастырылған).