СҰЛУЛЫҚ САЛОНЫН ҚАЛАЙ ТАҢДАУ КЕРЕК?
Сұлулық салоны дегеніміз тек шаш қиятын орын ғана емес, сондай-ақ Сіздің бетіңіз бен сырт келбетіңізді ретке келтіріп, Сіз сұлу болып болып шығатын жер. Сол себепті сұлулық салонын таңдағанда тазалық пен қауіпсіздікті міндетті түрде басты назарға алу керек.
Жақсы, ең бастысы сапалы қызмет ұсынатын салонды таңдау мәселесі оны зерттеуді қажет ететін күрделі міндет болып табылады.
Өзіңіздің сұлулық салоныңызды табу әлдеқайда оңай, егер сіз өзіңіз қалаған нәрсені білсеңіз. Ол үшін ойыңыздағы сұлулық салонына сәйкес келуі керек критерийлердің шағын тізімін жасауға тырысыңыз.
Сұлулық салонын таңдаудағы бірнеше аса қажетті сәттер: көптеген сұлулық салондары процедуралар жүргізумен қатар кәсіби косметикалық өнімдерді сатады. Уақыты тығыз іскер әйелдер үшін бір жерден барлық керекті заттарды алу жақсы мүмкіндік: күтім, кеңес және косметика. Сонымен қатар, сіз сатып алудан бұрын ұсынылған өнімдерді өзіңіз көре аласыз.
«Коммуналдық мақсаттағы объектілерге қойылатын санитариялық-эпидемиологиялық талаптар» санитариялық қағидаларын бекіту туралы Қазақстан Республикасы Ұлттық экономика министрінің 2015 жылғы 3 наурыздағы №183 Бұйрығының талаптарына сәйкес парфюмерлік-косметикалық өнімді және шашты, тырнақты, теріні күту құралдарын қолдану, сақтау және келушілерге сатуға қолданылатын өнімнің қауіпсіздігін растайтын құжаттары, құралдардың мемлекеттік тіркелгендігі туралы куәлігі болған жағдайда жүргізіледі. Жоғарыда айтылған факторларды ескере отырып, Сіз міндетті түрде өзіңізге лайықты салонды таба аласыз.
Таңдау критерийлерінің бірі – тазалық. Сіз еденде алынған шаш қиындыларын көрмеуіңіз керек, косметика иісін сезбеуіңіз керек.
Егер сұлулық салонына бару Сіз үшін мерекеге айналсын десеңіз, міндетті түрде ең алдымен салонның тазалығына назар аударыңыз: біріншіден, салонның таза екеніне көз жеткізіңіз. Егер сіз ұзақ уақыт бойы жуылмаған терезелерді, қоқысты, едендегі кірді, шаң мен жұмыс үстеліндегі жалпы қоқысты көрсеңіз, кір киімдер – бұл аздап ойлануға себеп болады. Әрбір келушіден кейін құралдар барлық санитарлық-гигиеналық және санитарлық-эпидемияға қарсы ережелерді сақтай отырып, арнайы ерітінділермен өңделуі керек.
Сұлулық салондарында жиі кездесетін аурулар тізімінде: зең аурулары, герпес, стафилококк инфекциясы және С гепатиті.
Бұл ауруларды жұқтыру үшін процедуралар кезінде терінің бұзылуы, сондай-ақ алдыңғы клиентпен жұмыс істеген құралдарды қайта қолдану жеткілікті және тырнақ ваннасы мен тырнақ егеуішінен де жұғуы мүмкін. Сізге зақымданған тарақпен қызмет еткеннен кейін де жұқтыру ықтималдығы жоғары.
Егер сіз осы салондағы құралдардың өңделіп, зарарсыздандырылғанына және мастерлер бір рет қолданылатын қолғаптарды қолданғанына сенімді болсаңыз ғана өзіңізді қорғай аласыз.
Санитарлық ережелердің талаптарына сәйкес косметикалық қызметтерді жеке жиынтықтар (косметикалық қызмет түрі бойынша), кемінде үш жиынтық болған кезде жүргізеді. Терінің, шырышты қабаттардың зақымдануы мүмкін манипуляцияның барлық кезеңдері клиент үшін қауіпсіздікті қамтамасыз етуі керек. Парентеральді гепатиттермен және адамның иммун тапшылығы вирусын жұқтырудың алдын алу мақсатында қолдың қанмен ластануы орын алатын барлық манипуляциялар резеңке қолғаппен жүргізіледі.
Косметикалық манипуляциялар үшін пайдаланылатын құралдар әрбір клиенттен кейін алдын ала сумен жуусыз дезинфекциялық ерітіндіге салынады. Дезинфекция аяқталғаннан кейін құралдар стерильдеу алдында тазартылады және стерильденеді.
Жақсы салон таңдау үшін, аса байыптылықпен қарау керек, өйткені бұдан Сіздің тек сұлулығыңыз ғана емес, сонымен бірге денсаулығыңызға нұқсан келуі мүмкін.