«Қызмет алушылар күні»

Қазақстан Республикасы Мемлекеттік қызмет істері агенттігінің Шығыс Қазақстан облысы бойынша департаментімен «Қызмет алушылар күні» іс-шарасы өткізілді.

Іс-шара Өскемен қаласының №1 емханасының ғимаратында мемлекеттік қызметтер көрсететін ұйымдардың қатысуымен өтті. Іс-шараға Шығыс Қазақстан облысының санитариялық-эпидемиологиялық бақылау департаментінің мамандары да қатысып, санитариялық-эпидемиологиялық бақылау саласындағы мемлекеттік қызметтер бойынша азаматтарға түсіндірмелер берді.

Осындай іс-шаралар халықтың құқықтық және ақпараттық сауаттылығын арттыруға, мемлекеттік қызметтерді алу кезінде практикалық көмек көрсетуге және азаматтармен тиімді кері байланыс орнатуға мүмкіндік береді.