Жұмысшы мамандықтар жылы
Адам өмірінің мәні – адал еңбек ету мен ел игілігіне қызмет жасау. Сол еңбектің қадірін ауылда, колхоз өмірінде жүрген жандар жақсы біледі. Осындай жандардың бірі – еңбек жолын мал шаруашылығына, соның ішінде сауыншылықпен бастаған Аскарова Мариям Әлібекқызымен таныс болайық.
Аскарова Мариям Әлібекқызы 1964 жылы 11 тамыз айында Күршім ауданы Буденовка ауылында туған. Өз ауылында мектепті бітіргеннен кейін Шірікаяқ ауылында сауыншы болып жұмыс жасап бастайды. Бір жылдан соң Алматы қаласындағы «Жетісу» аяқ-киім фабрикасына көмекші болып жұмысқа орналасады.
Көп ұзамай 1983 жылы туған ауылына келіп Күршім ауданындағы «Высокогор» совхозына сауыншы болып жұмысқа кіреді.
Совхоз өміріне етене араласып, мал шаруашылығына өз үлес қоса бастайды. Сауыншының еңбегі – ерте тұрып, кеш жатуды талап ететін ауыр жұмыс. Таң қылаң бере фермаға барып, сиырларды сауып, сүт қабылдау пунктіне тапсыру – күнделікті міндет. Жас маман ретінде «Алғыс хат», адам еңбегі үшін «Мақтау граммоталарымен» марапатталады. Колхоз жұмысында жүріп, Мариям апай тұрмыс құрады. Отағасының жұмыс бабасымен ауысып, Үлкен Нарын ауданындағы «А.Жданов» атындағы колхоздың сүт фермасында сауыншылық жұмысын жалғастырады.
Қай мамандықта болмасын күнделікті берілген тапсырманы тиянақты орындау - басты ұстаным. Күн шыға сала 30 сиырды сауып, сүтін тапсыру, сиырлардың жай-күйін бақылау сол кездегі сауыншының міндеті болды.
«Малдың тілін білсең, берекең артады» демекші, Мариям апай сауыншылықты жай жұмыс емес, жауапкершілігі мен шыдамдылығы сыналатын жол деп қарап қоғам өміріне өз үлесін қосқан еңбек адамы.
Жылдар өте келе Мариям апай 2014 жылы Өскемен қаласына көшіп келеді. Сол жылы «Өскемен қ. тұтынушылардың құқықтарын қорғау басқармасы» ММ ғимараттарды тазалаушы болып жұмысқа орналасады. Осы қызметте жүріп, зейнерлікке шықты. Зейнеркер жасында болса да, Мариям апай өз ісін үлкен жауапкершілікпен атқаруда. Ғимараттың барлық бөлмесін жинап, адамдарға жайлы, таза орта қалыптастырады.
Мариям апайдың өмірлік ұстанымы – қандай жұмысты істесең де, адалдық пен тәртіп бірінші орында тұруы керек. Еңбек ешқашан ескірмейді, адал еңбектің жемісі әрқашан бағалы. «Қай істі істесең де, адал атқарсаң – ол құрметке лайық» деп есептейді.
«Малдың тілін білсең, берекең артады» демекші, Мариям апай сауыншылықты жай жұмыс емес, жауапкершілігі мен шыдамдылығы сыналатын жол деп қарап қоғам өміріне өз үлесін қосқан еңбек адамы.
Жылдар өте келе Мариям апай 2014 жылы Өскемен қаласына көшіп келеді. Сол жылы «Өскемен қ. тұтынушылардың құқықтарын қорғау басқармасы» ММ ғимараттарды тазалаушы болып жұмысқа орналасады. Осы қызметте жүріп, зейнерлікке шықты. Зейнеркер жасында болса да, Мариям апай өз ісін үлкен жауапкершілікпен атқаруда. Ғимараттың барлық бөлмесін жинап, адамдарға жайлы, таза орта қалыптастырады.
Мариям апайдың өмірлік ұстанымы – қандай жұмысты істесең де, адалдық пен тәртіп бірінші орында тұруы керек. Еңбек ешқашан ескірмейді, адал еңбектің жемісі әрқашан бағалы. «Қай істі істесең де, адал атқарсаң – ол құрметке лайық» деп есептейді.