Шығыс Қазақстан облысының Бас мемлекеттік санитариялық
дәрігері міндетін атқарушының 2021 жылғы 19 ақпандағы №4 қаулысына толықтырулар мен өзгерістер енгізу туралы
№ 4-2
ҚАУЛЫ
2021 жылғы 01 наурыз Өскемен қаласы
Мен, Шығыс Қазақстан облысының Бас мемлекеттік санитариялық дәрігерінің м.а. Х.Ж. Илюбаев, мына құжаттарды:
Қазақстан Республикасының аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның 2021 жылғы 24 ақпандағы шешімін;
Қазақстан Республикасы Бас мемлекеттік санитариялық дәрігерінің «Қазақстан Республикасының халқы арасында коронавирустық инфекция ауруының алдын алу жөніндегі шараларды одан әрі күшейту туралы» 2020 жылғы 25 желтоқсандағы № 67; «Карантиндік шектеу шаралары және оларды кезең-кезеңмен жеңілдету туралы» 2020 жылғы 25 желтоқсандағы № 68; «Қазақстан Республикасының Бас мемлекеттік санитариялық дәрігерінің қаулысына өзгеріс пен толықтыру енгізу туралы» 2021 жылғы 04 ақпандағы № 5; «Қазақстан Республикасының Бас мемлекеттік санитариялық дәрігерінің қаулысына өзгеріс пен толықтыру енгізу туралы» 2021 жылғы 27 ақпандағы №9 қаулыларын;
«Шектеу іс-шараларын, оның ішінде карантинді жүзеге асыру қағидаларын және пайда болу және таралу қаупі төнген кезде шектеу іс-шаралары, оның ішінде карантин енгізілетін инфекциялық аурулардың тізбесін бекіту туралы» Қазақстан Республикасы Денсаулық сақтау министрінің 2020 жылғы 21 желтоқсандағы № ҚР ДСМ-293/2020 бұйрығын;
CОVІD-19 коронавирустық инфекциясы бойынша Шығыс Қазақстан облысындағы, Қазақстан Республикасының басқа облыстарындағы және іргелес мемлекеттердегі санитариялық-эпидемиологиялық ахуал туралы жедел мәліметтерді қарап,
Есептік өлшемшарттар негізінде CОVІD-19 науқастарын емдеуге арналған инфекциялық стационарлардағы төсек қорының (ТҚ) қамтылу пайызы– 4,4 %, облыс бойынша инфекцияның репродуктивтік мәні R–0,990 құрағанын анықтадым.
«Халық денсаулығы және денсаулық сақтау жүйесі туралы» Қазақстан Республикасы Кодексінің 38-бабының 1-тармағының 4) тармақшасы, 2-тармағының 3) тармақшасы, 102, 104 – баптары негізінде, ҚАУЛЫ ЕТЕМІН:
1) 2- тармақтың 3) тармақшасы келесі редакцияда жазылсын:
«3) мыналардың:
- қоғамдық тамақтану объектілерінде, ойын-сауық объектілерінде, кәсіпорындарда, мекемелерде және кеңселерде ұйымдастырылған ұжымдардағы бұқаралық ойын-сауық іс-шаралардың (спорттық іс-шараларды қоспағанда), бейбіт жиналыстардың, көрмелердің, форумдардың, конференциялардың, іс-шаралардың (корпоративтердің) өткізілуіне;
- бұқаралық отбасылық, салтанатты, еске алу іс-шараларының (банкеттер, үйлену тойлары, мерейтойлар), оның ішінде үйде өткізілуіне;
- адамдар көп жиналатын жерлерде (алаңдарда, скверлерде, саябақтарда, серуендеу және жағалау аймақтарында), оның ішінде жабық үй-жайларда (концерт залдары, клубтар) бұқаралық театрландырылған қойылымдардың, аниматорлар мен қуыршақтар қызметтерінің, шоу-бағдарламалардың, концерттердің және басқа да бұқаралық іс-шаралардың өткізілуіне жол бермеуге бақылауды қамтасыз етсін»;
2) 4-тармақ 8), 9) тармақшалармен толықтырылып, 1), 2) және 5), тармақшалары келесі редакцияда жазылсын:
«4. Мыналарға:
1) қоғамдық тамақтану объектілерінде, ойын-сауық объектілерінде, кәсіпорындарда, мекемелерде және кеңселерде ұйымдастырылған ұжымдардағы бұқаралық ойын-сауық іс-шараларды (спорттық іс-шараларды қоспағанда), бейбіт жиналыстарды, көрмелерді, форумдарды, конференцияларды, іс-шараларды (корпоративтерді) өткізуге;
2) бұқаралық отбасылық, салтанатты, еске алу іс-шараларын (банкеттер, үйлену тойлары, мерейтойлар) оның ішінде үйде өткізуге;
5) ойын-сауық мекемелерінің жұмыс істеуіне (караоке, түнгі және ойын клубтары /орындары (компьютерлік клубтар, PlayStation, боулингтер, букмекерлік кеңселер және басқа орындар);
8) балалар сауықтыру лагерьлерінің қызметіне;
9) кезекші топтарды қоспағанда, балалар мектепке дейінгі мекемелерінің қызметіне тыйым салу қамтасыз етілсін»;
3) 4- тармақтан 7) тармақша алынып тасталсын;
4) 5-тармақ 5-1 және 5-2 тармақшалармен толықтырылып, келесі редакцияда жазылсын:
«5-1. Күшейтілген санитариялық-дезинфекциялық режимді, термометрияны, маскалық режимді және әлеуметтік қашықтықты сақтай отырып, толтырылуы 30% - ға дейін, бірақ 50 адамнан аспаған кезде жерлеу рәсімдерін (еске алу) өткізуге рұқсат етілсін»;
5-2. Жеке және 15 адамнан аспайтын ұйымдасқан топтар үшін маскалық режимді және кемінде 2 метр қашықтықты сақтай отырып, ерекше қорғалатын табиғи аумақтарға (мемлекеттік ұлттық табиғи парктерге, қорықтарға, резерваттар мен басқаларға) баруға рұқсат етілсін»;
5) 7-тармақтың 7.3 тармақшасының 1) тармақшасы келесі редакцияда жазылсын:
«7.3 апта күндері бойынша шектеусіз қолданыстағы жұмыс режимі келесі объектілерге белгіленсін:
1) меншік нысанына қарамастан жабық спорт объектілері (спорт кешендері, спорт мектептері, спорт клубтары, клуб командаларының жаттығу залдары), жабық құрылыстардағы мұз айдындары:
- көрермендерсіз жеке (5 адамға дейін) және топтық (30 адамға дейін) жаттығуларды өткізу үшін;
- бір отбасы мүшелерін қоспағанда, тамақтанусыз, көрермендерді бір қатардың ұзындығы бойынша 2 отыратын орыннан кейін шахмат тәртібімен отырғызған жағдайда, толтырылуы 20% - дан аспаған кезде спорттық іс-шараларды көрермендермен өткізуге рұқсат етілсін»;
6) 7-тармақтың 7.3 тармақшасының 9) тармақшасы келесі редакцияда жазылсын:
«9) азық-түлік және әмбебап ассортименттегі азық-түлік емес тауарларды, оның ішінде өзіне-өзі қызмет көрсету нысаны бойынша сауда объектілері (супермаркеттер, гипермаркеттер, сауда үйлері, сауда желілері, СОО):
- толтырылуы 30% - дан аспағанда, бір келушіге ауданы кемінде 4 ш.м. болған жағдайда;
- балалардың ойын-сауық, ойын алаңдарының, аттракциондарының жұмыс істеуіне толтырылуы 30% - ға дейін, бірақ 50 адамнан аспаған кезде рұқсат етіледі;
- СОО-дағы қоғамдық тамақтану объектілеріне тек алып шығуға және жеткізуге ғана жұмыс істеуіне рұқсат етіледі;
Азық-түлік емес тауарларды сататын сауда объектілері (супермаркеттер, гипермаркеттер, сауда үйлері, сауда желілері, СОО) жексенбі күні сағат 18.00-ге дейін жұмыс істейді.
Ауданы 1000 ш.м. асатын азық-түлік емес тауарларды сататын сауда объектілерінде (супермаркеттер, гипермаркеттер, сауда үйлері, сауда желілері, СОО) келушілердің әлеуметтік қашықтық пен маскалық режимді сақтауын бақылау үшін объектілер қызметкерлері қатарынан санитариялық патрульдер құру керек»;
7) 7-тармақтың 7.3 тармақшасы 11), 12) және 13) тармақшаларымен толықтырылып, келесі редакцияда жазылсын:
«11) цирктер:
- бір отбасы мүшелерін қоспағанда, көрермендерді бір қатардың ұзындығы бойынша 2 отыратын орыннан кейін шахмат тәртібімен отырғызып, толтырылуын 30% - ға дейін қамтамасыз еткен кезде;
12) бильярдтар:
- толтырылуын 30%-ға дейін қамтамасыз еткен кезде;
13) балалар ойын-сауық орталықтары (ойын алаңдары, жабық үй-жайлардағы аттракциондар):
- толтырылуын 30% - ға дейін, бірақ адамдар санын 50-ге дейінгі мөлшерде қамтамасыз еткен кезде;
8) 8- тармақтың 5) тармақшасы келесі редакцияда жазылсын:
«5) діни бірлестіктер объектілері (мешіттер, шіркеулер, соборлар, синагогалар және т. б.):
- бір отбасы мүшелерін қоспағанда, мешіттерде намазды, оның ішінде жұма намазын залдың толтырылуы 30%-ға дейін, 1 (бір) адамға кемінде 4 ш.м. есебінен, 2 отыратын орыннан кейін шахмат тәртібі бойынша отырғызу (орналастыру) кезінде өткізуге рұқсат етіледі;
- толтырылуы 30%-ға дейін, бірақ 100 адамнан аспаған кезде мешіттерде ұжымдық құдайға құлшылық етуге рұқсат етіледі;
- Қазақстан Республикасының Бас мемлекеттік санитариялық дәрігерінің қаулыларымен белгіленген санитариялық ережелерді, алгоритмдерді (талаптарды), күшейтілген санитариялық-дезинфекциялық режимді, термометрияны маскалық режимді және әлеуметтік қашықтықты сақтаған кезде»;
9) 9-тармақтың 4), 6) және 8) тармақшалары келесі редакцияда жазылсын:
4) оқытудың келесі форматы:
- дәстүрлі форматта қалалық және ауылдық мектептерде 300 оқушыға дейінгі контингентпен, сыныптардағы балалар саны 15 адамға дейін оқыту;
- 2021 жылғы 01 наурыздан бастап, жалпы білім беретін мектептерде кезекші сыныптарда 1-ден 5-сыныпқа дейін қоса алғанда, халықаралық мектептерде 1-ден 7-сыныпқа дейін қоса алғанда аралас оқыту;
- аралас оқыту аптаның 6 күні ішінде оқу бітіретін сыныптар (9, 11 (12) сыныптар) үшін: пәндердің 70%-ын штаттық режимде, 30%-ын қашықтықтан оқыту (сыныпта 15 адамнан артық емес, әлеуметтік қашықтықты сақтау, 1 сынып – 1 кабинет қағидасы бойынша оқыту, бір уақытта мектепте жобалық қуаттың 30%-ынан аспайтын адамның болуы, санитариялық-дезинфекциялық режимді күшейту, маскалық режимді сақтау);
- білім беру мекемесі әкімшілігінің шешімі бойынша сабақтан тыс уақытта 15 адамнан аспайтын топтарда оқушыларды жеке оқыту;
- колледждердің, жоғары оқу орындарының I курс студенттерін штаттық оқыту;
6) Ұлттық құрама, клубтық командалар үшін (адамдар саны 30-ға дейін, байланыссыз термометрия, спорттық базаларда тұру) спорттық жаттығулар өткізу;
8) облыстық командаларды дайындау үшін бір мезгілде 30 адамнан аспайтын мөлшерде оқу-жаттығу жиындарын өткізу»;
10) 10- тармақтың 2) тармақшасы келесі редакцияда жазылсын:
«10. Шығыс Қазақстан облысының полиция департаменті:
2) учаскелік қызметтің жұмысын отбасылық, ұжымдық және өзге де бұқаралық іс-шараларды (үйлену тойлары, мерейтойлар және т. б.) анықтауға бағыттай отырып, материалдарды ресімдеп, кейіннен халықтың санитариялық-эпидемиологиялық саламаттылығы саласындағы уәкілетті органдарға ұсыну жұмыстарын жалғастырсын және қамтамасыз етсін».
11) 17-тармақтың 1) тармақшасы келесі редакцияда жазылсын:
«17. Жұмыс берушілер (мемлекеттік органдардың, ұйымдардың, кәсіпорындардың, квазимемлекеттік секторлардың, өзге де ұйымдардың субъектілері, кәсіпкерлік субъектілерінің, кеңселердің, тіршілікті қамтамасыз ету, қауіпсіздік, құқық тәртібі объектілерін, технологиялық процестің үздіксіз циклі бар кәсіпорындарды қоспағанда):
1) қызметкерлердің қашықтықтан жұмыс істеу нысанын келесі форматта сақтасын: 30% – қашықтан жұмыс істеу режимі; 70% – күндізгі жұмыс істеу режимі»;
М. О.
Шығыс Қазақстан облысының
Бас мемлекеттік санитариялық
дәрігерінің м.а. Х. Илюбаев