Балалардағы менингит: белгілері және алдын алу
Менингит – мидың мембранасының және жұлынның қабынуы. Балаларда менингиттің қоздырғыштары бактериялар, вирустар және саңырауқұлақтар болуы мүмкін, олар бассүйек қуысына еніп, осы ауыр ауруды тудырады. Бұл ауруға көбіне 0-ден 6 жасқа дейінгі иммунитеті төмен балалар тез шалдығады, дегенмен менингит егде жастағы балалар мен ересектерде де кездеседі.
Менингит, оны тудырған патогенге сәйкес вирустық, бактериялық немесе саңырауқұлақ ; қабыну процесінің сипаты бойынша серозды және іріңді; аурудың ағымына сәйкес жедел және созылмалы болып бөлінеді.
Менингит өздігінен(бастапқы менингит), ол кезде инфекция қан арқылы миға енеді немесе басқа аурудың асқынуы ретінде (екіншілік) пайда болуы мүмкін. Менингит-отит, синусит, паротит, тұмау, ЖРВИ, бас миының жарақаты және т.б. асқынуына айналуы мүмкін.
Балаға менингит диагнозын балалар невропатологы, инфекционист және педиатр қоя алады.
Балалардағы менингиттің негізгі белгілері:
- қатты бас ауруы (белгілі бір жерде емес, бүкіл бас ауырады);
- менингит кезінде құсу — осы ауруға тән құбылыс;
- жоғары температура;
- денеде қара нүктелі бөртпе, ауыр түрінде – ірі дақтар, көгерулер;
- бір жасқа дейінгі баланың еңбегі көтеріледі (томпайып кетеді);
- тәбеттің жоғалуы;
- бұлшықет кернеуі (басты кеудеге еңкейту және тізелерді бүгу мүмкін емес);
- Мойынның шалқаюы. Баланың өңі кірмейді, сұлық жата береді, басы мен мойынын артқа шалқайтып ұстайды.
- бет сүйектерінің астындағы аймақты басқанда, бала еріксіз иығын көтереді;
- сананың шатасуы, ұйқышылдық;
- құрысулар;
- диарея (бір жасқа дейінгі балаларда);
- Бала түсініксіз жағдайда, тіпті анасы емізгенде де жылай береді («менингит жылауы»).
- ашуланшақтық, жарыққа, қатты дыбыстарға, денеге тигенде тым сезімталдық
Егер сіздің балаңызда осы белгілердің кез келгені болса, сіз шұғыл медициналық көмекке жүгінуіңіз керек, өйткені менингит тек заманауи медицина жағдайында емделеді.
Педиатр маман менингитті айқын сыртқы белгілер бойынша, сондай-ақ компьютерлік томография, көз түбін зерттеу, бас сүйегінің рентгенографиясы, электроэнцефалография, жұлын пункциясы арқылы анықтай алады.
Педиатр маман менингитті айқын сыртқы белгілер бойынша, сондай-ақ компьютерлік томография, көз түбін зерттеу, бас сүйегінің рентгенографиясы, электроэнцефалография, жұлын сұйықтығын алу арқылы анықтай алады
Менингиттен жеткіліксіз және уақтылы емделмеген жағдайда балада бас миының ісуі, кома, паралич, бүйрек жеткіліксіздігі және тіпті өлімге акеліп соғуы мүмкін. Уақытында басталған сауатты емдеу баланы қалпына келтіруге, ауыр асқынуларды болдырмауға және өмірі мен денсаулығын сақтауға көмектеседі.
Ауруды дұрыс емдегенде менингит белгілері 3-4 күннен кейін жоғалып кетуі мүмкін, бірақ жұлын сұйықтықтығын қалпына келтіру үшін емдеуді міндетті түрде жалғастыру керек.
Балалардағы менингитті емдеу дәрігерлердің қатаң бақылауымен ауруханада жүргізіледі. Балаға антибиотиктер оның жасына және аурудың сатысына сәйкес, сондай-ақ жұлын сұйықтығының нәтижелері бойынша тағайындалады; Шыққаннан кейін бала бір жыл бойы балалар невропатологы мен педиатрда есепте тұруы керек.
Менингиттің алдын алу:
Менингиттің алдын-алудың ең тиімді тәсілі уақытында вакцина салдыру. Жеке гигиена шараларын сақтау, салауатты өмір салтын ұстану қажет, өйткені бұл иммунитеттің табиғи қорғанысын арттырады. ЖРВИ ортасында адамдар көп жиналатын жерлерде маска кию керек. Вирустық аурулары бар науқаспен кездесуден аулақ болу керек. Егер менингит белгілері болса, дереу дәрігерге қаралу қажет.