Саңырауқұлақтан уланудың алдын-алу
Саңырауқұлақтармен улану жиі кездеседі, улы түрі жеуге жарайтындарға сырттай ұқсайды және олармен бірге кездейсоқ жиналады. Қателікке жол бермеу үшін саңырауқұлақтардың жалпы белгілерін мұқият зерттеп, улы түрлерінің сипаттамаларын білу керек.
Саңырауқұлақтардың арасында өлімге әкелетін улы түрлері бар, яғни оларды аз мөлшерде жегеннің өзі өлімге әкелуі мүмкін.Есіңізде болсын, саңырауқұлақ – бұл табиғи губка, демек ол ауадағы, топырақтағы, жауын-шашындағы барлық нәрсені жақсы сіңіреді. Нәтижесінде, тоғайларда, өнеркәсіптік нысандардың жанында, оқшаулау аймақтарда, жолдардың жанында, радиологиялық, химиялық, бактериологиялық және электромагниттік жағдайлары қолайсыз жерлерде жиналған жеуге болатын саңырауқұлақтармен де улануға болады.
Саңырауқұлақпен уланудың себептері:- Токсиндердің (немесе микотоксиндердің) болуына байланысты саңырауқұлақтардың уыттылығы.
- Жиналған саңырауқұлақтарды аспаздық өңдеусіз ұзақ уақыт сақтау немесе дайындалған саңырауқұлақтарды ұзақ уақыт сақтау.
- Саңырауқұлақтардың зиянкестермен, атап айтқанда саңырауқұлақ шыбындарымен зақымдануы.
- Саңырауқұлақтың өсу процесінде зиянды заттардың (ауыр металдар және т.б.) жинақталуы.
Уланудың алғашқы белгілері саңырауқұлақтарды жеп болғаннан кейін жарты сағат ішінде және бірнеше күнге дейін пайда болуы мүмкін.Саңырауқұлақпен уланған кездегі көрсетілетін алғашқы көмек:
1) Тамақтан улану белгілері пайда болғанын байқаған кезде дереу жедел жәрдем шақырыңыз!
2) Аурудың тез дамып келе жатқан көрінісіне қарсы тұру үшін дәрігерлер келгенге дейін көп су ішіп, уланған асқазанды жуып, құсып тастауға тырысыңыз.
3) Содан кейін сорбенттердің соққы дозасын беру қажет (10 килограмм салмаққа белсендірілген көмірдің 1 таблеткасы).
4) Улану кезіндегі алғашқы көмектің маңызды шараларының бірі қан айналымының бұзылуын болдырмау болып табылады. Мұны істеу үшін науқастың аяғына жылы компресс қолдану керек.
Саңырауқұлақпен уланудың алдын алу:
- Күмәнданатын саңырауқұлақтарды сатып алмаңыз.
- Ешқандай жағдайда нашарлай бастаған саңырауқұлақтарды жеуге болмайды, оларда паразиттер пайда болды. Олар термиялық өңдеуден өткен жағдайда да жеуге болмайды.
- Ескірген саңырауқұлақтарды пісірмеңіз.
- Саңырауқұлақтарды жинаған кезде тек шляпаға ғана емес, сонымен қатар оның астындағы сабағына да назар аударыңыз.
- Саңырауқұлақтарды пластикалық пакеттерге салмаңыз, өйткені олар жылдам бұзылады.
- Саңырауқұлақтарды жинағаннан кейін бірден өңдеңіз.
- Саңырауқұлақтарды ұзақ уақыт пісіру керек. Оларды бірнеше рет қайнату ұсынылады. Қайнатпа суды сорпаға араластырмай, бірден төгіп тастаңыз.
Саңырауқұлақпен уланудың алдын алу Сіздің және жақындарыңыздың денсаулығын сақтауы мүмкін! Өнімді жинау мен дайындаудың қарапайым ережелерін сақтаңыз. Егер уланып қалған болсаңыз, уақытты оздырмай, бірден дәрігерді шақырыңыз.