👨‍⚕️👩🏻‍⚕️ 2026 жылғы 19 маусымда СҚО санитариялық-эпидемиологиялық бақылау департаментінде Медицина қызметкері күніне арналған салтанатты іс-шара өтті.

Іс-шара барысында Департамент басшысының міндетін атқарушы Самат Маратұлы Барменбаев құттықтау сөз сөйлеп, қызметкерлерді кәсіби мерекелерімен құттықтап, олардың адал еңбегі, жоғары кәсібилігі және халықтың санитариялық-эпидемиологиялық саламаттылығын қамтамасыз ету ісіне қосқан зор үлесі үшін алғысын білдірді.

Денсаулық сақтау саласындағы көп жылғы жемісті еңбегі, денсаулық сақтау жүйесін жетілдіруге белсенді қатысқаны және Медицина қызметкері күніне орай:

«Еңбек ардагері» медалімен

Чуфарова А.М. марапатталды.

Қазақстан Республикасы Бас мемлекеттік санитариялық дәрігері – Санитариялық-эпидемиологиялық бақылау комитетінің төрағасы С. Бейсенованың Құрмет грамотасымен халықтың санитариялық-эпидемиологиялық саламаттылығын қамтамасыз ету ісіне қосқан елеулі үлесі, адал еңбегі және Медицина қызметкері күніне орай төмендегі қызметкерлер марапатталды:

Жапарова А.Н. – Петропавл қалалық санитариялық-эпидемиологиялық бақылау басқармасының бас маманы;

Сыздықова Д.А. – Петропавл қалалық санитариялық-эпидемиологиялық бақылау басқармасының бас маманы;

Жақыпова Ж.У.– Ғабит Мүсірепов атындағы ауданның санитариялық-эпидемиологиялық бақылау басқармасының бас маманы.

Әріптестерімізді лайықты марапаттарымен шын жүректен құттықтаймыз! Баршаңызға зор денсаулық, отбасыларыңызға амандық, еңбектеріңізге толағай табыс және кәсіби қызметтеріңізге жаңа жетістіктер тілейміз!