Солтүстік Қазақстан облысында семинар өтті

СҚО санитариялық-эпидемиологиялық бақылау департаментінде Департамент басшысының орынбасары – Әдеп жөніндегі уәкіл

С.М. Барменбаевтың төрағалығымен департамент пен аумақтық санитариялық-эпидемиологиялық бақылау басқармаларының мамандарының қатысуымен семинар-кеңес өтті.

Іс-шара барысында Солтүстік Қазақстан облысы әкімдігінің Дін істері басқармасының өкілі мемлекеттік қызметшілердің деструктивті діни ағымдардың қызметіне тартылуына жол бермеу мәселесі бойынша баяндама жасады.

Сондай-ақ Департамент басшысының орынбасары – Әдеп жөніндегі уәкіл

С.М. Барменбаев сыбайлас жемқорлыққа қарсы іс-қимыл шараларын сақтау және мемлекеттік қызметшілердің Әдеп кодексінің талаптарын орындау мәселелерін қарастырды.

Бұдан бөлек, қатысушылар прокуратура органдарының ұсынуларын, әкімшілік құқық бұзушылықтар жөніндегі соттың жекеше қаулысын, сондай-ақ 2026 жылдың I тоқсанындағы әкімшілік іс жүргізу нәтижелерін талқылады.

Семинар-кеңес қорытындысы бойынша заңнама талаптарын сақтау, сыбайлас жемқорлыққа қарсы іс-қимыл және қызметтік әдеп нормаларын сақтау мәселелері бойынша тиісті түсіндірмелер мен ұсынымдар берілді.