СҚО санитариялық-эпидемиологиялық бақылау департаментінде ведомство басшысы Әсет Жұматаевтың төрағалығымен Алқа отырысы өтті. Отырыста 2025 жылғы қызметтің қорытындылары шығарылып, алдағы кезеңге басты міндеттер анықталды.
Алқа отырысына департаменттің орынбасарлары, «Ұлттық сараптама орталығы» ШЖҚ РМК филиалының директоры, департамент бөлімдерінің басшылары, сондай-ақ онлайн режимде (Zoom) — департаменттің аумақтық басқармаларының басшылары қатысты.
Алқа отырысында қызметтің негізгі бағыттары қаралды.
Департамент басшысының орынбасары Татьяна Горлова «2025 жылғы санитариялық-гигиеналық бақылау саласындағы проблемалық мәселелер және 2026 жылға міндеттер» тақырыбында баяндама жасады.
Департамент басшысының орынбасары Арман Күшбасов «2025 жылғы эпидемиологиялық бақылау саласындағы проблемалық мәселелер және 2026 жылға міндеттер» тақырыбында баяндама жасады.
«Ұлттық сараптама орталығы» ШЖҚ РМК филиалының директоры Қаирғали Исенеев филиалдың 2025 жылғы жұмыс қорытындылары мен 2026 жылға міндеттерді таныстырды.
Департамент басшысының орынбасары Самат Барменбаев этикалық нормалар мен ережелерді сақтау, сондай-ақ жемқорлыққа қарсы профилактикалық шаралар туралы баяндады.
Отырыстың қорытындысы бойынша жұмыстың тиімділігін арттыруға және облыс тұрғындарының санитарлық-эпидемиологиялық саламаттылығын қамтамасыз етуге бағытталған нақты міндеттер анықталды.
