📌 СҚО бас мемлекеттік санитариялық дәрігері Әсет Жұматаев жұмыс сапарымен Тайынша ауданына барды.

Сапар барысында аудандық санитариялық-эпидемиологиялық бақылау басқармасының ұжымымен жұмыс кеңесі өткізіліп, онда 2025 жылғы жұмыс қорытындылары шығарылып, 2026 жылға арналған міндеттер айқындалды.

Қолданыстағы нормативтік-құқықтық актілерге сәйкес инфекциялық және паразиттік ауруларға эпидемиологиялық қадағалауды қамтамасыз ету тапсырылды.

Халықты профилактикалық егумен қамту мәселесіне ерекше назар аударылды. Вакцинамен басқарылатын инфекцияларға қарсы екпе алу мәселелері бойынша халық арасында ақпараттық-түсіндіру жұмыстарын күшейту қажеттігі атап өтілді.

Сондай-ақ сыбайлас жемқорлыққа қарсы іс-қимыл шараларын және Әдеп кодексінің талаптарын сақтау қажеттігі еске салынды.

Сонымен қатар мемлекеттік органның автокөлігі мен мүлкі тек қызметтік мақсатта пайдаланылуы тиіс екені атап өтілді.

Кеңес соңында мемлекеттік қызметшілер диалог форматында өздерін қызықтырған сұрақтарын қойып, толыққанды жауаптар алды.