Солтүстік Қазақстан облысында семинар өтті

12 желтоқсанда СҚО санитариялық-эпидемиологиялық бақылау департаментінде департамент басшысының орынбасары

А.С. Күшбасовтың төрағалығымен дифтерияның эпидемиологиясы, клиникасы, диагностикасы және профилактикасы мәселелері бойынша облыстық семинар өтті. Іс-шараға СҚО санитариялық-эпидемиологиялық бақылау аумақтық басқармаларының мамандары, АА-ның МСАК жөніндегі орынбасарлары, дәрігерлік учаскелердің меңгерушілері, қалалық емханалар мен АА-ның инфекционист дәрігерлері, сондай-ақ Петропавл қаласының қалалық және облыстық медициналық ұйымдарының госпитальдық эпидемиологтары қатысты.

Семинардың мақсаты — дифтерияға эпидемиологиялық бақылауды қамтамасыз ету. Сонымен қатар, жұқпалы аурулардың алдын алуға бағытталған іс-шаралардың сапасы мен тиімділігін арттыру көзделді.

«Дифтерия ошақтарындағы індетке қарсы іс-шараларды ұйымдастыру» тақырыбында СҚО СЭБД инфекциялық және паразиттік ауруларға эпидемиологиялық қадағалау бөлімінің басшысы Б.Ж. Саду баяндама жасады.

СҚО ДСБ-ның облыстық штаттан тыс бас инфекционисі

Е.В. Коптяева «Дифтерияны диагностикалау және емдеу» тақырыбында баяндама ұсынды.

ҚР ДСМ СЭБК «Ұлттық сараптама орталығы» ШЖҚ РМК СҚО бойынша филиалының бактериологиялық зертхана маманы С.В. Сторчакова дифтерияның зертханалық диагностикасы туралы баяндама жасады. Ол материалды науқастардан алу және тасымалдау ережелері жөнінде түсіндірді.

Кездесу соңында қатысушылар өзара пікір алмасты. Қойылған сауалдарға толық әрі мазмұнды жауаптар берілді.