⚡️ Петропавлда қоғамдық денсаулық сақтау саласындағы төтенше жағдайларға дайындық пен әрекет ету бойынша үш күндік симуляциялық тренинг басталды.

Тренинг 12–14 қараша аралығында өтеді.

Оны ҚР Денсаулық сақтау министрлігінің Қоғамдық денсаулық сақтау ұлттық орталығы ICAP ұйымымен (АҚШ, Колумбия университетінің Қоғамдық денсаулық сақтау мектебі) бірлесіп, ДДСҰ-ның Қазақстандағы елдік кеңсесінің қолдауымен ұйымдастыруда.

Тренингтің мақсаты – мамандардың табиғи және техногендік қауіп-қатерлер кезінде жедел әрекет етуге дайындығын арттыру, сондай-ақ дағдарыс жағдайларында ведомстволар арасындағы өзара іс-қимылды дамыту.

Тәжірибелік бөлімде қатысушылар су тасқыны, жұқпалы аурулардың өршуі және техногендік апаттар сияқты түрлі төтенше жағдайларға ден қою бойынша симуляциялық жаттығулар орындайды.

Тренингке қатысушылар: СҚО санитариялық-эпидемиологиялық бақылау департаментінің мамандары мен аудандық басқарма басшылары, сондай-ақ СҚО денсаулық сақтау басқармасының өкілдері, Көліктегі санитариялық-эпидемиологиялық бақылау департаменті, СҚО төтенше жағдайлар департаменті, ҚР АШМ Ветеринариялық бақылау және қадағалау комитетінің СҚО аумақтық инспекциясының өкілдері.