2025 жылғы 26 қыркүйекте СҚО санитариялық-эпидемиологиялық бақылау департаменті басшысының орынбасары – әдеп жөніндегі уәкіл С.М. Барменбаевтың төрағалығымен аумақтық басқарма мамандарына арналған семинар өтті.
Баяндамамен құқықтық қамтамасыз ету бөлімінің басшысы С.М. Әріпхан «Кәсіпкерлік кодексіне сәйкес тексерулерді ұйымдастыру тәртібі және бақылау мен қадағалау субъектісіне (нысанына) бармай профилактикалық бақылауды жүргізу тәртібі» тақырыбында сөз сөйледі.
Құқықтық қамтамасыз ету бөлімінің бас маманы А.В. Барданова 2025 жылдың 8 айының нәтижелері бойынша әкімшілік іс жүргізуге жасалған талдауды ұсынды.
С.М. Барменбаев мемлекеттік қызметшілердің сыбайлас жемқорлыққа қарсы шектеулері, олардың қызметтік әдеп қағидаттары мен мінез-құлық нормалары туралы айтты.
Кездесу соңында қатысушылар пікір алмасып, өздерін қызықтырған сұрақтарына жауап алды.
