СҚО санитариялық-эпидемиологиялық бақылау департаментінің басшысы Әсет Жұматаев жұмыс сапары аясында Мамлют ауданының ұжымына санитариялық-эпидемиологиялық бақылау басқармасының жаңа басшысын таныстырды.
Басқарма басшысы қызметіне Бейсетаева Тойжан Ерікқызы тағайындалды.
Тойжан Ерікқызы 1992 жылы Солтүстік Қазақстан облысы Қызылжар ауданы Архангельское ауылында дүниеге келген.
2014 жылы Қарағанды мемлекеттік медицина университетін «Қоғамдық денсаулық сақтау» мамандығы бойынша тәмамдаған.
Еңбек жолын 2014 жылы СҚО денсаулық сақтау басқармасының Шал ақын ауданының орталық аудандық ауруханасында дәрігер-статисті ретінде бастаған.
2014–2017 жж. — Шал ақын ауданының орталық аудандық ауруханасында ұйымдастыру-әдістемелік кабинетінің міндетін атқарушы;
2017–2022 жж. — Мамлют аудандық орталық ауруханасының дәрігер-статисті;
2022–2024 жж. — Мамлют аудандық санитариялық-эпидемиологиялық бақылау басқармасының санитариялық-эпидемиологиялық бақылау және қадағалау, қызметті жоспарлау және талдау бөлімінің жетекші, кейін бас маманы;
28.05.2024 ж. – 22.06.2025 ж. — Есіл аудандық санитариялық-эпидемиологиялық бақылау басқармасының санитариялық-эпидемиологиялық бақылау, қызметті жоспарлау және талдау бөлімінің басшысы.
