Семинар өтті

2025 жылдың 23-27 маусым айы аралығында Шымкент қаласында Хамзы Жуматов атындағы Гигиена және эпидемиология ғылыми орталығының аға ғылыми маманы, медицина ғылымдарының кандидаты Асхат Тұрсынханұлы Досмұхаметов тұрғындар денсаулығына қауіп-қатерлерді бағалау мәселелері бойынша Шымкент қаласының санитариялық-эпидемиологиялық бақылау департаментінің және аумақтық санитариялық-эпидемиологиялық бақылау басқармаларының мамандарына жұмыс орындарында оқыту семинары өткізіліп, әдістемелік көмек көрсетілді.

   Бұл іс-шара Департаментің және аумақтық санитариялық-эпидемиологиялық бақылау басқармаларының мамандары қатысуымен ұйымдастырылды.

Қоршаған ортаның химиялық факторларының әсерінен тұрғындар денсаулығына қауіп-қатерді бағалау мәселелері қарастырылды:

- жобалық құжаттамада келтірілген денсаулыққа қауіп-қатерді бағалау материалдарына санитарлық-эпидемиологиялық сараптама жүргізуде;

- атмосфералық ауа мен ауыз судың сапасын бағалауда;

- атмосфералық ауаның ластануы мен халық денсаулығының көрсеткіштері арасындағы себеп-салдарлық байланыстарды орнатуда.