Соңғы кезде есірткі заттары қатарына қосылатын снюс туралы жиі айтылуда. Бұл - құрамында никотин мөлшері көп, канцерогендері төмен болуымен сипатталатын түтінсіз темекі.
Ғалымдардың зерттеу еңбектеріне қарағанда, снюс темекінің бір түрі болып саналады. Үлкен-кішіге бірдей қауіпті зат. Денсаулығына зиян келтіріп, жазылмас дертке шалдықтырады.
Мамандардың айтуынша бұл қоспалардағы никотиннің мөлшері темекідегіден қарағанда анағұрлым көп болу себебінен, ағзаның үйреншіктенуіне тез әкеліп соқтырады.
Снюсті пайдаланудың қауіпті әсерлері:
- снюсті тұтынған кезде ең бірінші ауыз қуысының шырышты қабығы зақымданады, бастағы ауырлық, апатия, күрт сілекей бөлу және бас айналу түріндегі жағымсыз әсерлер пайда болады;
- ауыз қуысының, ұйқы безінің, өңеш пен өкпенің онкологиялық ауруларының дамуына әкелуі мүмкін;
- түтінсіз темекіні ұзақ уақыт пайдалану парадонтозға, тістің бұзылуына, ауыздан жағымсыз иістің пайда болуына, тахикардияға, гипертония, бедеулікке әкеледі;
- темекінің осы түрін пайдаланушыларда жоғары агрессивтілік немесе керісінше, апатия және эмоциялық дисфункция байқалады;
- түтінсіз темекі ағзаның жұқпалы ауруларға төзімділігін әлсіретеді;
- никотиннің артық дозалануы өлімге әкелуі мүмкін.
Дүкеннен, сонымен қатар интернет желісі арқылы алдыратын снюс өнімдері жасөспірімдер арасында кеңінен таралып келеді. Сондықтан, әсіресе ата-аналар қауымы қоғам болашағы балалармен түсіндіру жұмыстарын жүргізіп, үнемі бақылауда ұстағаны жөн, өйткені, ауырып ем іздегенше, алдын алған анағұрлым абзал.