Адам метапневмовирусы

Адам метапневмовирусы - көптеген елдерде ондаған жылдар бойы таралған классикалық вирустардың бірі. Бұл вирустың штамдары Қазақстанда ЖРВИ және тұмау ауруларының маусымдық өсуі кезеңінде кеңістікте белсенді айналымда болатын инфекциялардың басқа түрлерімен қатар анықталған.

Метапневмовирус - респираторлық вирустық инфекциялардың бір түрі. Олар жыл сайын әр эпидемиологиялық маусымда айналымда болады. Бізде ол кезең 1 қазаннан сәуірге дейін аралықта орын алады.

Осы кезеңде тұмау вирустары да, басқа респираторлық инфекциялар да таралады. Олардың саны 200-ден асады. Олардың арасында пневмовирус та бар.

Бұл вирустың негізгі белгілері қандай және ол қалай беріледі?

Метапневмовирус негізінен ауа тамшылары арқылы және аз мөлшерде тұрмыстық байланыс арқылы беріледі. Инфекцияның негізгі белгілері - жөтел, мұрыннан судың ағуы, ентігу, қалтырау, бас ауруы. Нақты емдеу шаралары жоқ, симптоматикалық емдеу қолданылады.

Павлодар облысының санитариялық-эпидемиологиялық бақылау департаменті тұрғындарды алдын алу шараларын сақтауға және адамдар көп жиналатын жерлерде байланыстарды шектеуге шақырады, бұл әсіресе созылмалы аурулары бар халықтың ең осал топтарына қатысты. Үй-жайларды үнемі желдетіп отыру, науқас адамдармен байланысын шектеу, оларды оқшаулауды қамтамасыз ету, тұмау және ЖРВИ белгілері пайда болған кезде балаларды үйде қалдыру және ұйымдасқан ұжымдарға (мектепке дейінгі ұйымдар, мектептер) жібермеу.

Егер аурудың белгілері пайда болса, уақтылы медициналық көмекке жүгінген дұрыс.