Вакцинация-тұмаудан ең жақсы қорғаныс!
Павлодар облысында ЖРВИ және тұмау бойынша эпидемиологиялық жағдай бүгінгі күні тұрақты болып қалуда. Қазан айының бірінші аптасымен салыстырғанда сырқаттанушылықтың күтілетін өсімінің 1,2 артқаны белгіленіп отыр.
Өңірде тұмаудың зертханалық расталған 7 жағдайы анықталды, бұл ретте В тұмауының айналымы байқалады.
Тұмаудың алдын алудың жалғыз әрі сенімді әдісі - жыл сайын эпидемияға дейінгі кезеңде жүргізілетін вакцинация. Облыста кәсіпорындар мен ұйымдардың, білім беру оқу орындарының қызметкерлерін профилактикалық иммундау жұмысы жалғасып жатыр.
Облыста тұмауға қарсы 81 678 адам екпе алды, оның 80 451 жергілікті бюджеттен және 1 227 жұмыс берушілер есебінен вакцинацияланды. Тәуекел тобында 90 000 адам бар, олардың барлығы жергілікті бюджет есебінен вакцинацияланады. 2022-2023 жылғы эпидемиологиялық маусымда халықты тұмауға қарсы вакцинациялауға 88 321 500 теңге бөлінді, 90000 вакцина сатып алынды.
Еске салайық, тұмауды жұқтыру қаупі жоғары адамдар санатына диспансерлік есепте тұрған балалар, балалар үйлерінің, балалар үйлерінің балалары, қарттар үйлерінің контингенті, жүрек-тамыр жүйесі мен тыныс алу органдарының созылмалы аурулары бар адамдар, медицина қызметкерлері және екінші және үшінші триместрдегі жүкті әйелдер жатады.
Айта кету керек, тұмауға қарсы иммунитет бірден пайда болмайды, қорғаныс антиденелері пайда болуы үшін 2-3 апта қажет, сондықтан вакцинация әрдайым алдын - ала, күн суытқанға дейін, ең дұрысы, қыркүйек-қазан айларында, эпидемия әлі басталмаған кезде жүргізіледі. Вакцинацияны уақытында алу тұмаумен сырқаттанушылықты бірнеше есе азайтады, аурудың ағымын жеңілдетеді, оның созылуына жол бермей, асқынулардың алдын алады.
Маусымдық тұмау белгілеріне кенеттен температураның көтерілуі, жөтел (әдетте құрғақ), бас ауруы, бұлшықет ауруы және буынның ауыруы, қатты әлсіздік (өзін нашар сезіну), тамақ ауруы және мұрыннан су ағу жатады. Өздігіңізден емделмеңіз, аурудың алғашқы белгілері пайда болған кезде білікті медициналық көмек алу үшін дәрігермен кеңесу керек.