ЖРВИ мен тұмау бойынша эпидемиологиялық жағдай

Эпидемиологиялық маусым басталғалы бері Павлодар облысында 117 288 жедел респираторлық вирустық инфекция (ЖРВИ) жағдайы тіркелді. Аурушаңдық құрылымында 14 жасқа дейінгі балалардың үлесі 64,4% құрайды.

Өңірде зертханалық түрде А типті тұмаудың (H3N2) 57 жағдайы расталды, олардың ішінде 14 жасқа дейінгі балалардың үлесі 56,1% құрайды.

Жалпы алғанда, облыста ЖРВИ мен тұмау бойынша эпидемиологиялық жағдай тұрақты деп бағаланады. Аурушаңдыққа тұрақты мониторинг жүргізілуде, вирустардың айналымына зертханалық бақылау жасалуда, сондай-ақ профилактикалық және індетке қарсы іс-шаралар кешені жүзеге асырылуда.

Тұмау мен басқа да ЖРВИ аурушаңдығының көтерілу маусымында келесі алдын алу шараларын сақтау қажет:

• алғашқы белгілер пайда болған кезде дереу медициналық көмекке жүгіну, өзін-өзі емдеумен айналыспау;
• қолды сабынмен жиі жуу, әсіресе жөтелгеннен немесе түшкіргеннен кейін;
• тұрғын үйді және бөлмелерді жиі желдету, ылғалды тазалау жүргізу.
• жеке қорғаныш бетперделерін пайдалану;
• адам көп жиналатын орындарға баруды шектеу;
• суық тиюден сақтану (ауа райына сай киіну);
• дене шынықтыру, шынығу, толыққанды ұйқы, дұрыс тамақтану.

Алдын алу – сіздің денсаулығыңызды қорғау!