Чикунгунья ауруының алдын алу

Чикунгунья - Aedes тектес масалардың шағуы арқылы таралатын, чикунгунья вирусы тудыратын жіті жұқпалы ауру.

Инфекция көзі – аурудың өткір фазасындағы науқастар, симптомсыз адамдар және вирус жұқтырған приматтар. Пациенттердің көпшілігі аурудың бірінші күнінен бастап және симптомдар басталғаннан кейін 7 күн ішінде жұқпалы болады.

Негізгі берілу жолы - Чикунгунья вирусын жұқтырған Aedes тектес масалардың шағуы арқылы.

Адамдар Чикунгунья вирусына сезімтал, бірақ инфекциядан кейін күшті иммунитет қалыптасады.

Aedes тұқымдасының масалары кең таралған, вирусты тез таратуға қабілетті масалардың әрекет ету мерзімі ұзақ, бұл «импорттық жағдайлар – жергілікті жұғу – эпидемия» схемасына ықпал етеді.

Инкубациялық кезең: 1-12 күн, әдетте 3-7 күн.

Негізгі клиникалық көріністері - қызба, буындардағы ауырсыну және тері бөртпесі. Чикунгунья әлемнің тропиктік және субтропиктік аймақтарында кең таралған және оның таралу аймағы кеңеюде.

Қазіргі уақытта арнайы вирусқа қарсы ем жоқ, симптоматикалық және демеуші терапия жүргізіледі.

Қазіргі уақытта Чикунгунья вирусына қарсы вакцина жоқ.

Негізгі алдын алу шаралары:

- шыбын-шіркей өсетін жерлерді дер кезінде жою, тасымалдаушылардың санын азайту;

- жеке қорғаныс – репелленттерді, москит торларын, фумигаторларды қолдану;

- эндемиялық аймақтарға саяхаттаушылар қырағылықты арттырып, инфекцияны болдырмау үшін қорғаныс шараларын қабылдауы керек.