Павлодар облысының білім беру ұйымдарында жаңа Тамақтану стандартының енгізілуі бойынша семинар-кеңес өткізу туралы

2025 жылғы 26 тамызда, жаңа Тамақтану стандартын енгізуге дайындық аясында 2025 жылғы 1 қыркүйектен бастап күшіне енеді, Павлодар облысының жалпы білім беру мектептерінің медицина қызметкерлеріне арналған семинар-кеңес өтті. Іс-шараға Павлодар облысының білім беру және денсаулық сақтау басқармаларының жауапты мамандары (тренерлер) қатысты.

Семинар барысында жаңартылған Стандарттың негізгі ережелері кеңінен таныстырылды. Мектептегі тамақтануды ұйымдастырудың жаңа тәсілі балалардың денсаулығын сақтау мен олардың толыққанды дамуына сай келетін, қауіпсіз әрі теңгерімді, салауатты рацион қалыптастыруға бағытталған.

Жаңа нормаларға сәйкес, мектеп оқушыларының рационында қант, тұз және қайта өңделген өнімдердің үлесі азайтылады. Сонымен қатар көкөністер, жемістер, тұтас дәнді өнімдер, ақуыз көздері мен сүт өнімдерінің үлесін арттыруға ерекше назар аударылған. Бұл өзгерістердің негізгі мақсаты – балаларда дұрыс тамақтану мәдениетін қалыптастыру және жас кезінен бастап денсаулықты нығайту.

Семинар қатысушылары тамақтану Стандарты талаптарына сәйкес медицина қызметкерлерінің функционалдық міндеттерімен танысып, арнайы диеталық қажеттіліктері бар балаларды тамақтандыруды ұйымдастыру мәселелерін және бракераж комиссиясының құрамы мен функцияларын талқылады.

Өткізілген іс-шара жаңа Стандартқа көшуге дайындықтағы маңызды кезең болып, мамандардың алдағы оқу жылында мектептегі тамақтануды сапалы ұйымдастыруға қажет өзекті ақпарат алуына мүмкіндік берді.