Жаңа эпидемиялық маусым туралы

Бүгін жаңа эпидемиялық маусым туралы «Ирбис» және «Ertis» телеарналарына берген сұхбатында департамент басшысының орынбасары Замзагүл Дощанова айтып берді.

Мәселен, ағымдағы жылдың 22 тамызында «2025-2026 жылдардағы эпидемиялық маусымға тұмау, жіті респираторлық вирустық инфекциялар (ЖРВИ) және коронавирустық инфекция (COVID-19) бойынша санитариялық-профилактикалық, санитариялық-эпидемияға қарсы іс-шаралар өткізу туралы» ҚР Бас мемлекеттік санитариялық дәрігерінің 2025 жылғы 22 тамыздағы № 6 қаулысына қол қойылды.

Қаулымен алдағы 2025-2026 жылдардағы эпидемиялық маусымға дайындық іс-шаралары айқындалды.

Бұл-ағымдағы жылдың 15 қыркүйегінен бастап тұмауға қарсы тиісті контингентті вакцинациялау науқанын жүргізу, ағымдағы жылдың 1 қазанынан бастап медицина қызметкерлері үшін бетперде режимін енгізу, ЖРВИ және тұмаумен ауыратын науқастарды қабылдауға арналған медициналық ұйымдардың дайындығы. Қаулымен сондай-ақ кіре берісте ЖРВИ және тұмау белгілері бар, медициналық ұйымдардың аумағында және ғимаратында тиісті көрсеткіштері бар науқастар үшін МСАК-та «сүзгілердің» жұмысын ұйымдастыру; медициналық бұйымдар мен дәрілік заттардың қажетті қорын қамтамасыз ету; медициналық ұйымдарда дезинфекциялық режимді күшейту көзделеді. Жүкті әйелдер мен 1 жасқа дейінгі балаларды тұмау, ЖРВИ және COVID-19 көріністері бар күнделікті патронаждауды, уақытылы емдеуге жатқызуды қамтамасыз ете отырып, үйде шақыруларға бірінші кезекте қызмет көрсетуді ұйымдастыру.

Толық сұхбатты бүгін сағат 18:00-де «Ertis», сондай-ақ сағат 19:00 мен 20:00-де «Ирбис» телеарналарынан жаңалықтар бағдарламасынан көріңіздер.

Жіберіп алмаңыз!