Лас қол ауруы

Ротавирустық инфекция – ротавирустар тудыратын жедел ішек инфекциясы. Ротавирустық инфекциямен әдетте кішкентай балалар жиі ауырады.

Инфекция көзі – айқын немесе жасырын клиникалық белгілері бар науқастар (вирус тасымалдаушылар).

Берілу жолдары:

• фекальды-оральды (ластанған заттардан және қол терісінің кір жерлері);
• ауа тамшылары (науқаспен байланыста болған кезде);
• алиментарлы (дұрыс жуылмаған тағамдарды және ластанған суды тұтыну кезінде).

Инфекцияның алдын алу:

• жеке гигиена ережелерін сақтау (қолды уақытылы жуу);
• тек дұрыс жуылған және дұрыс өңделген тағамдарды тұтыну;
• тек сүзгіден өткен қайнаған суды ішу үшін пайдалану.

Мектепке дейінгі балалар мекемелерінде ротавирустардың профилактикасы ерекше маңызға ие. Бала ауырған жағдайда медициналық көмекке жүгіну қажет!