Адам папиллома вирусының алдын алу

Адам папиллома вирусы (АПВ) – ерлер мен әйелдерге әсер ететін қатерлі ісіктердің дамуына әкелуі мүмкін ең көп таралған вирустық инфекция.

Жатыр мойны обыры жағдайларының басым көпшілігі (95% астамы) адам папиллома вирусынан туындайды. Қыздардың тиісті жастағы АПВ-ға қарсы жасалған вакцинациясы кейінгі уақытта ауыр инфекциядан қорғайды.

Жатыр мойны обырының алдын алу мақсатында 11-13 жастағы барлық қыздарға АПВ-ға қарсы екпе алу ұсынылады.

Адам папиллома вирусына қарсы екпе – бұл АПВ вирусын жұқтырудан қорғанудың қауіпсіз және тиімді әдісі.