Дүниежүзілік туберкулезге қарсы күрес күніне арналған акция

Ақтөбе бөлімшелік көліктегі санитариялық-эпидемиологиялық бақылау басқармасының Шалқар станциясының санитариялық-эпидемиологиялық бақылау  және  қадағалау бөлімімен Жем станциясы теміржол  перронында орналасқан  «Баубек» ЖШС қарасты №2, №4 дүкенінің  қызметкерлері мен келушілер арасында Дүниежүзілік туберкулезге қарсы күрес күніне орай,  «Иә! Біз туберкулезді жеңе аламыз: міндеттенеміз, инвестициялаймыз, әрекет етеміз» ұранымен  акция  ұйымдастырылып, өткізілді.

Акция барысында туберкулездің алдын алу шаралары, оның жұғу жолдары, белгілері және уақытылы медициналық тексерістен өтудің маңыздылығы туралы жан-жақты түсіндірме жұмыстары жүргізілді.

Сондай-ақ, қатысушыларға салауатты өмір салтын ұстану, дұрыс тамақтану және иммунитетті нығайту бойынша түсіндірулер берілді.