Қарағанды станциясының вокзалындаақпараттық-түсіндіру жұмыстарын жүргізді

Қарағанды бөлімшелік көліктегі санитариялық-эпидемиологиялық бақылау басқармасының мамандары Қарағанды станциясының вокзалында балалар ұжымы, олардың ата-аналары және еріп жүретін адамдар арасында ақпараттық-түсіндіру жұмысын дәріс түрінде өткізді.

Аталған іс-шара аясында шығатын жолаушыларға жол жүру жиынтығына (құрғақ азық) өнеркәсіптік өндірістің азық-түлік өнімдерін қосу ұсынылды, атап айтқанда:

• Ет консервілері және бұқтырылған ет (дәнді дақылдардан, макарон өнімдерінен және көкөністерден жасалған етпен бірге)
• Ет консервілерімен консервіленген түскі ас тағамдары
• Көкөніс консервілері және өз шырынында балық консервілері
• Жылдам дайындалатын тағамдар (кеспе, картоп пюресі)
• Печенье, галеталар, крекерлер, пряниктер, жұмсақ кәмпиттер, нан және нан өнімдері
• Жеке орамадағы жеміс және жидек шырындары
• Қапталған ауыз су

Сондай-ақ, жолда бала ауырып қалса, медициналық қызметкер әрі қарайғы іс-әрекеттерді анықтау үшін пойыз бастығына хабарлауы керек.

Сонымен қатар, қатысушыларға тамақтан уланудың алдын алу бойынша негізгі мәселелер түсіндірілді. Тағамнан улану – бұл сапасыз өнімдерді, патогендік микроорганизмдер немесе токсиндер бар өнімдерді тұтынған кезде пайда болатын жедел ауру. Ластанған тағамды тұтынғаннан кейін бірнеше сағат ішінде пайда болуы мүмкін белгілерге жүрек айну, құсу, диарея, іштің ауыруы және қызба жатады. Тамақтан уланудың алдын алу үшін жеке гигиена ережелерін сақтау, қолды және өнімдерді (көкөністер, жемістер) тамақ ішер алдында және дайындау алдында жуу ұсынылады, сондай-ақ күмәнді адамдардан дайын өнімді сатып алуға болмайды.

Сонымен қатар, балаларды тасымалдау кезінде жолаушылар вагондары жоғарғы төсек орындары үшін қауіпсіздік белдіктерімен жабдықталғаны түсіндірілді.