Салауатты тамақтану бойынша тікелей эфир

Салауатты тамақтану бойынша тікелей эфир

Жаңаарқа бөлімшелік көліктегі санитариялық-эпидемиологиялық бақылау басқармасының басшысы А.Куатова Басқарманың Facebook әлеуметтік желесінде «Салауттаы тамақтану» атты тақырыппен тікелей эфирге шықты.

Тікелей эфирдің басты мақасаты: халықтың сауаттылығын арттыру.

Тікелей эфир барысында  салауатты тамақтану ұстанымдары және дұрыс тамақтану неліктен маңызды туралы айтылды.

Салауатты тамақтану ұстанымдары: Адамның көңіл-күйі, денсаулығы, жұмысқа қабілеттілігі, ұзақ ғұмыр кешуі  оның тамақтануына тікелей байланысты екені бұрыннан белгілі.

Дұрыс тамақтану неліктен маңызды?           

Себебі ол:

  • Созылмалы аурулардың болу қаупін азайтады және алдын алады;
  • Денсаулығыңыз бен бет-әлпетіңіздің әсемдігін сақтайды;
  • Жас және сымбатты тұрпатыңызды сақтауға көмектеседі;
  • Рухыңызды биік, дене қимылыңызды белсенді етеді.

Күнделікті тағам үлесін таңдағанда Дүниежүзілік денсаулық сақтау ұйымы (ДДҰ) ұсынған «Тамақтану пирамидасын» негізге алыңыз.

  • «Пирамиданың», демек, тағам үлесінің негізін де энергия көзі болып табылатын дәнді-дақылдар құрайды. Олар ақуыздарға, майлар мен көмірсуларға, микроэлементтерге, дәрумендер мен тағамдық талшықтарға бай түрлі жармалар, кебекті нан, мюсли, қатты сұрыпты бидайдан жасалған макарон өнімдері және тамыр жемістілер.
  • «Пирамиданың» екінші қатарын түрлі жемістер мен көкөністер құрайды. Оларға күнделікті қажеттілік 500-600 грамды құрайды.
  • Үшінші қатарда – сүт және сүт өнімдері, ет пен балық. Бұл өнімдер күнделікті тағам үлесінде болуы тиіс.
  • Атеросклероздың, миокард инфаркті мен инсульдтің алдын алу үшін жануар майын тұтынуды шектеңіз. Майлы етті балыққа, құс етіне немесе майсыз етке алмастырыңыз. Сүт және сүт өнімдерінің майлылығы төмен түрлерін таңдаңыз.
  • Өсімдік майы мен жаңғақтарда көп мөлшерде болатын қанықпаған май қышқылдарын міндетті түрде күнделікті тағам үлесіне енгізіңіз.
  • Қантты, тәттілерді, кондитерлік өнімдерді тұтынуды азайтыңыз. Оларды шамадан артық тұтыну семіздікке, қант диабетіне душар етеді.
  • Нан, консервіленген және басқа азық-түліктер құрамындағы тұзды есепке ала отырып, күніне бір шай қасық тұздан артық қолданбаңыз. Ас пісіргенде йодталған тұзды қолдану қажет.

Буға бөктірілген, суда немесе тандыр ішінде пісірілген тағам өнімдерін таңдаңыз.