Әуе кемесінің бортында аса қауіпті инфекцияларға күдік туындаған жағдайда іс-қимыл алгоритмі бойынша семинар өткізілді

Көліктегі санитариялық-эпидемиологиялық бақылау департаментінің мамандары «SCAT» әуе компаниясының қызметкерлері үшін
«Оба. Әуе кемесінің бортында карантиндік және аса қауіпті инфекцияларға күдік туындаған жағдайда мамандардың іс-қимыл алгоритмі» тақырыбында семинар өткізді. Іс-шара қызметкерлердің аурумен байланысты қауіптер туралы хабардарлығын арттыру мақсатында ұйымдастырылды. Семинар барысында қызметкерлер инфекциядан қорғану әдістері, сондай-ақ аса қауіпті инфекциялар анықталған жағдайда сақталуы тиіс шаралар туралы ақпарат алды. Көліктегі санитариялық-эпидемиологиялық бақылау департаменті жұқпалы аурулардың таралу қаупін азайту және қызметкерлердің қауіпсіздігін қамтамасыз ету бағытында жұмыстарын жалғастыруда.