Қызылша және Нипах вирусы бойынша семинар өткізілді

2026 жылғы 11 ақпан

Қызылша және Нипах вирусы бойынша семинар өткізілді. Халық арасында қызылша және Нипах вирусы туралы ақпараттық-түсіндіру мақсатында Қызылорда бөлімшелік көліктегі санитариялық-эпидемиологиялық бақылау басқармасының маманы «Марал-Нұр» ЖШС №117 «Қызылорда–Павлодар» жолаушы пойызы жолсеріктеріне семинар өткізді. Семинар барысында эпидемиологиялық жағдай, ауру белгілері, таралу жолдары және алдын алу шаралары түсіндірілді. Үндістандағы Нипах вирусының эпидемиологиялық жағдайына байланысты Қазақстан шекарасында санитарлық-карантиндік бақылау күшейтілген, алайда елге вирус әлі келмеген және эпидемиологиялық жағдай тұрақты. Нипах вирусы жануарлардан (жарқанаттар, шошқалар) және адамнан адамға жұғады. Сондай-ақ ластанған тағамдар мен сусындар арқылы берілуі мүмкін. Ауру жоғары температура, бас ауруы, әлсіздікпен, ауыр жағдайларда орталық жүйке жүйесінің зақымдануы және пневмониямен сипатталады. Арнайы емі жоқ, медициналық көмек симптоматикалық.