Қазақ теңіз көлік флоты ЖШС қарасты «Барыс » теңіз кемесінің қызметкерлері арасында семинар

Қазақстан Республикасының Денсаулық сақтау министрлігі Санитариялық-эпидемиологиялық бақылау комитеті Көліктегі санитариялық-эпидемиологиялық бақылау департаментінің 2025 жылға арналған іс-шаралар жоспарының 31-тармағын орындау мақсатында, Қазақ теңіз көлік флоты ЖШС қарасты «Барыс » теңіз кемесінің қызметкерлері арасында 2025жылдың  тамыздың 13-ші жұлдызында «Аса қауіпті және карантинді жұқпалы аурулардың  белгілері бар науқастар анықталған жағдайдағы  теңіз көлігінде  өткізілетін бастапқы эпидемияға қарсы іс – шаралар» тақырыбында семинар өтті.

Аса қауіпті және карантинді жұқпалы аурулардың  белгілері бар науқастар анықталған жағдайда айлаққа жеткенше кеме капитанының  қандай  алдын-алу шараларын орындау керектігі түсіндірілді.  Ауруды оқшаулау,экипаж мүшелерінің  аурумен қарым қатынасын тоқтату , жеке қорғаныш заттар (маска,қолғап) қолдану,  арнайы мамандар келгенше тиісті құжаттарын дайындап қою  сияқты шаралардың орындалуы  туралы айтылды. Санитариялық-карантиндік бақылау бөлімінің мамандары  келіп  науқастан эпидемиологиялық анамнез жинап, науқасты жұқпалы аурулар ауруханасына эвакуациялауға қатысады.Эпидемиологиялық ошақтың шекарасын анықтайды, қорытынды дезинфекциялық жұмыстар жасалуын бақылауды жүзеге асырады;

Экипаж мүшелерінің (байланыстағы адамдардың) тұрғылықты жері бойынша медициналық бақылау үшін эпидемиологиялық тарихы (тексеру) туралы мәліметтерді аумақтық санитариялық-эпидемиологиялық бақылау департаментіне және Денсаулық сақтау басқармасына телефон арқылы және электрондық пошта мекенжайларына хабарлама жібереді.

 Семинар барысында  сұрақтар қойылып ,түсінік берілді.